日本的三連休可以話係十分好天氣。不過岩岩病好都唔周圍去啦，鼻水都未清，所以只係係附近散下步。屋企附近雖然冇吉野家之類的連鎖食店，但係超級市場就好多，有4大間餓唔死我ge。終於見到藥妝店，屋企附近有就唔洗專登放學買番黎，話晒宅得黎都係女子一名，行藥妝店點都係會買左d計劃外ge野＝0＝ 由於我由朝到晚都甩頭髮，其實係香港都甩得勁，正常長頭髮都應該會甩掛我諗。但我真係由朝掃頭髮掃到晚(強迫症)。本身想睇吸塵機，日本空氣唔差，但我覺得都算大塵，加上我d頭髮，吸塵機係有需要。上網睇到平起黎2000幾yen就有部手提式，但屋企附近個間就冇d咁平，平ge次次都比人買晒，哼！唯有去第二度睇下啦，暫時都唔急。 第2個解決方法就更簡單，就係剪番短d頭髮去。我一開始留長諗住過到黎日本唔洗成日剪，有咩事咪梳起晒去囉。好明顯我已經開始後悔XD都係睇多一頭半個月先啦...散步時都發現附近有d平平地有唔太7的美容院。（即是我們說的髮型屋） 由於我太懶暫時都唔打算煮飯但基本上日日都去超市…買便當XD 布丁我忍左一星期唔買等都等到佢特價。100yen唔洗係邊到搵你話我知，即刻入左幾杯。其實好想飲凍朱古力，但唔見呢間野有，不過最想飲係維他奶T=T 話咁快就放完假，我應該都有番d精神，之但係聽日放學又要展開區役所遠征…
