終於捱到星期五。開始日本的三連休，本來都覺得今日可以衝埋去，但我應該已經到頂啦-0- 聲都冇埋。因為比人遲左到日本（講起又嬲多次。）所以人地2個星期做ge野，我就用1星期，雖然香港人做野成日都係咁趕XD 趕deadline我都習慣，唔夠訓呀餓到胃痛係香港真係咩都試過。但係身體很誠實今日皮已收。 呢個星期日日放學唔係出去申請呢樣個樣就係買家具打掃，唔好話溫書，高登都唔得閒睇。其實同我以前帝皇般的生活完全唔同。平時食咩有咩開冷氣唔洗諗，的士想坐就坐。要我180度變晒難怪會病到失聲。 我放學用左最後一口氣去左今宮，個到有咩咁勁，就係有2座大到爆炸的家品店。（下面係我去個間）我的目標是書台和椅子，其實都想睇埋其他野因為可以送貨，但我去到已經半死所以拿拿林買完就走。 http://www.nitori-net.jp/store/ja/ec/ 有網址可以睇，上網買都得但我中意望下個樣先。 而且格個價，送埋黎同我係屋企隔離街個間自己搬都差唔多，就叫佢送啦重點係佢聽得明我用沙聲講的破日文。中意睇家品真係唔錯的地方，隔離個座中有100yen店，但我又實在太想快d番屋企休息就未有行過去。我會再去，就係JR今宮站落車，一座綠色一座係藍色，有興趣大家可以去睇下。 番到屋企想立刻訓陣都唔得，因為倒寫水！！！所以要立刻清楚。引用：你班x街比我抖下得唔得 訓完把聲就唔見左啦T_T 今晚都係relax下啦。 唔好意思日日字多過相，一個人在外係特別多野自言自語。
