其實黎左幾日有時都唔知食咩好，諗起已經洗左好多錢就野都唔想食。如果唔係病病地至小唔洗買咁多口罩同埋藥呀個d啦，身體健康才是rock n roll 的style。今日早午都係便利店完成，其實一個飯團我都好飽。搞到之後蜜瓜包都食唔晒。蜜瓜包係抵食又飽肚，就係好似古代d大餅。我打算之後每星期定一日定做蜜瓜包日。其實咁樣定都好，我就唔洗成日煩食咩，eg。松屋日/便當日/關東煮日etc。 下課後見到好多小紅帽。今日第一日出市中心就是去找在來大阪之前一晚，在WH群組識的香港人。她已經到日本好幾個月，來到大阪2個月跟我住同區，因為我唔係好識開電話卡所以就搵左佢幫手，見面自我介紹完就出發。 去到bic camera，一開始都幾順利，雖然個職員都有話下我唔識日文之後要打電話取消張卡咁點之類。我用破日文同佢講我已經學緊會好努力，如果搞唔到會搵老師幫手。搞到我勁驚之後其實佢都係嚇9下我。 真正的問題後來先出現，那個日本人一直說我的名字好怪，我不太會聽以為是說我的日文拼音問題，因為學校一直拼錯我的名，所以銀行跟租約的拼音跟我本名差了一個字。佢又比個電話我聽，頂，我都話我係好識日文，新認識的朋友其實也不太會說，只是她比較熟識辨卡的東西。 後來等了差不多30分鐘才知道，原來日本人覺得我叫英文拼音名後面再有個英文名係好怪的事。比如是CHAN SIU MING PETER， 但這個名是我身分証跟passport都有，之前在日本申請的東西都沒這問題。他們在電話說沒有沒有，原來就是說我的英文別名。用了差不多2小時才完成，雖然不知道我香港的信用卡可不可以付款但他都批准了。之後不行再轉日本的卡啦。 晚餐我們去了吃金龍拉面，因為感冒未清好想吃熱東西，也不錯啦。以前在難波都是買買行行食食，今天變得好生活化呀晚餐完了就一起回家，因為我之前一直在JR車站下車回家，今天轉坐別的，新朋友順便帶我走走我不認識的路，就是一起散步回家。 我必須大感激這新朋友的幫助，因為家中一直沒有router上網，她替我用1000yen買了個二手router回來T=T （之前我一直用手機share wifi出來，不敢用來看超人回來了）而且她的資訊很神通廣大，所以我瘋狂開她好多問題，也閒聊大家在香港的工作。希望可以保持聯絡。 講過算數，post下我個衣架XD 由於聽日星期5之後開始日本的三連休，所以今天不做家務明天才繼續XD 明天也要螞蟻搬家。希望我身體會健康，即刻洗2個蕃茄食先XD 呀提埋自己：其實d單我未掉想用黎計下用左幾多錢，東一張西一張。而話說今日又試下用我張銀聯係到拎錢，純粹想知用唔用到，當然係冇問題。所以螞蟻搬家完成之後就係做財政報告。
