日本時候8點但未食飯，因為今日早左番整理好成個人，所以記錄左生活先。題外話，因為成日唔記得熄左隻mouse搞到勁快冇電，家下買電都好肉痛XD 暫時未有時候畫插畫所以唔用mouse都ok的。我累到x街都唔捨得買休足時間-O- 由於感冒係到潛服緊，今日勁摺個樣特別衰比平時更衰，我都戒緊口希望有幫助，可以因為未適應呢到個氣候，d皮膚又唔知想點（掉杯！）。其實我已經飲好多水但身體覺得中係唔夠。因為健康保險未整好，冇得睇醫生住好彩有帶平時食開ge藥，感謝神XD 每天都會經過家後面的小公園，好有小新feel。有空想去自拍XDhahhahahahahahha，我已經掌握到由家到車站最好的路線。今日仍然是6點的早起，其實早上也有小小家務要做，我是靠意志來支撐我這幾天的生活，別人應該看得出我很累吧。上學時有日本人向我問路，雖然我不懂，但暗喜了2秒（我有當地人的感覺嗎？！） 今天帶了口罩上課（外出怕熱就不帶了），怕傳染別人ma。鄰坐是台灣人，他把身上所有的紙巾都給我了，感動！不會覺得我超烏糟吧。算啦，形象早己破產，姐不介意。lunch是大驚喜！關於食是我最節約的項目，夠飽就算了。 超平呀！290 yen 要我食一星期以上都冇問題，份量又夠。我覺得好好食，雖然有同學比較喜歡松屋。今天下午堂超悶啦，下課後跟同學到了學校附近的100 yen店，比較細的一間其實就係香港都有個間，因為係窮人恩物所以又買了一些。 因為好早番到屋企太陽都未落山。原來個太陽都好猛呀，曬正我屋企，都好殺下菌。不過夏天就應該會熱死到時再算。之後又開始螞蟻搬家的活動，先係買左個大衣架。自己一手一腳起好個架，我有映相嫁，但掛左d內衣就唔放上網啦。第二轉再去買左膠櫃（最普通個隻呢），由於每次我只可能拎兩層，見就天黑都係過幾日再買多兩層。以上買ge野都係特價野，我有格過價。 講d傷心事。見到張摺台連摺椅特價唔洗3000yen，又大張又夠高可以做書台放埋書架都得。重點係我應該自己一個都搬得郁（已經變到力大無窮。唉，但佢早就賣野，display又唔賣，我已經用爛日文問左佢會唔會係其他分店拎過黎，但佢話都賣光光。超殘念！今次真係執輸啦。我好想要好想要x100。 現在預備吃便當，今日快過d歐巴桑買到平價便當，200幾yen 唔好食我都會食晒去！但食唔晒我會老實係到認XD 今日早番間屋好靜終於開左電視XD 因為之後一直都打掃打掃都沒發覺好靜。今天沒拍太多照呢。 外傳： 學校的假期也算多，但暫時我不打算周圍去玩，就算你地話我好摺！還好大阪跟周邊地區我之前都略略去過，所以興致也不大。而且唔想洗咁多錢。不過重點係想努力學習（幾假呀我），「就算做毒撚冇朋友都要學好日文先T=T」我今天這樣跟香港的朋友說…所以大家這樣看到的比較是日本的生活多過遊記啦。也希望大家明白在一個國家旅行跟生活是有大不同。 謝謝收看。
