利申：呢個毛文我好攰。我中有力寫blog紀錄已經好好，唔好意思係執唔到相。 。早上。 今朝自己起到身食酒店早餐，比左錢就緊係食，我揀ge係：秋葵/面屎湯/面包。好怪呀ma，因為我唔習慣一早食飯咪配個包。keep好左個行李就出發去學校，因為我係遲入學所以早左45分鐘去搞下呢樣同個樣，考埋個分班試。我緊係唔識啦！總之入左班差唔多程度就得嫁啦，同學都未得閒識我就有其他野做啦。 天氣好好呀，但冇心情欣賞。之後一直等個租務人黎，哇！成個殺人犯咁，我做好晒d手績學校的職員叫我自己跟佢地走啦。我知唔應該睇外表，所以依家讚佢地。佢地專登車我出酒店拎行李再車我去住所。3樓冇lift佢都幫我搬行李（其實唔知有冇用日文話我），中要比左個新的電磁爐我。 。下午。 我就唔放間屋ge相住啦，得張床因為家具黎講同電視，其實算係大同光猛又唔太烏糟。其實我好小烏糟都好驚。咁岩今日撞正普通垃圾日（之後再講，其實我自己都未分到，總之錯過左就要等多幾日先可以掉我d野啦），所以我急不及待整理好張床同廚房先，係咁E都叫可以住下先。！！不過！！問題黎啦，呢間屋係冇wifi，如果要就要再買個router，omg！香港人點可以冇得上網。暫時我用緊張wifi 卡，但係下星期張卡就到期，所以…冇得理住，要買都要出番難波呀梅田呀，我都係之後再理。 之後未到見中早就出去整在留卡同國民保險。首先我唔太熟路都要由新屋去車站要成15分鐘，係行呀下，我唔做運動嫁平時。我搵成日見到個站但見唔到入口，爆一個粗！之後，我已經坐左兩個站先開始行（留意番，開始敗家）。落左車見地圖話10分鐘就到區役所，佢呃人！行到變毅行者先到，到個刻好有跑完馬拉松的感覺。好在有得坐住等。在留卡就順利完成，但保險就要等收信啦。 我冇理由要再行番去，因為我的腳已經不是我的，跳左上架巴士。原來有巴士去車站。神積呀！今日lunch食左包同果汁因為攰到冇胃口，我好快就可以瘦。 。晚上。 我冇比自己停底，有幾樣家品我好想買，就係電熱水煲同風筒，中有垃圾筒。我又開始大暴走，今次雖然間鋪離新屋好近，但離車站就再遠d，我今日已經發左好多次皮氣我好想要單車。意志比天高，終於都行到去一間好似家樂福咩都有得賣的超市，真係咩都有，聽日我未死就映下相啦。但我買完野已經冇手拎野食，所以，我好似螞蟻搬家，將d野拎番屋企就再出去買野食。 今晚都是飯團同一隻蕉，我買左d包呀餅餓起上黎都死唔去。由於已經冇力氣打掃，所以我係拎住個垃圾筒食，因為我唔想整到周圍都係呀ma。 外星人都笑9我。 我獎勵自己開左冷氣（唉好晒錢，咁我先有動力執好間屋）。訓好d因為好似想病，已食藥。再咁行落去，每日二萬步不是夢。
