萬眾期待終於到達大阪…香港落狗屎的關係，班機delay左小小。多謝黎送機的親友。 對上一次去大阪已經係前年的事，對於天王寺一帶又唔係好熟（聽講好多壞人－0－）好啦第一次坐ANA感覺良好。出起時都好順利又好快地整好左在留卡同埋資格外活動許可（即係類似打工許可）。 落機後唔知做咩熱到high high（其實出面都幾涼）我係大阪第一啖飲ge野係平凡的檸茶。也順順利利買到特急車票，我好怕上錯車，因為都成晚上9點幾啦，問完人再上網check一次，ok，這是我的強迫症。 30分鐘就到天王寺，由於之前的好多好多原因第一晚就住酒店，睇地圖係好近嫁，但原來又要上橋落橋。拖住成24kg的寶貝同背住成包米咁重的backpack，我邊行邊講粗口，今次真係向左走向右走咁攰。 雖然附近中有好多地方可以食野，但我呢個窮鬼都係食便利店算，中要買特價野：可樂餅/牛肉飯團/水。其實三百幾yen可能食到個吉野家，好啦我唔好咁師奶啦，初到步對自己好番小小啦。BTW,便利店的可樂餅我可以日日食都唔厭，呢個係辛苦時一定要食的item！ 時候唔早要抖抖，聽日第一次去學校又有幾萬樣野搞，同埋…我聽日就入住大阪的小窩居，希望不會太差，冇期望就冇失望。
