又係時間跟我地SPD4290六個女仔去鯨吞啦~ 今次帶大家去食意大利野 - 意粉屋! 靠住多款式又好味既意粉佢有「意粉專家」既地位。 好!所以我今次決定試佢既意粉,睇下「意粉專家」呢個title堅唔堅,有冇料到! 雙重芝士焗海蝦‧蟹肉意大利粉 $129 果然,真實既樣同menu張相係有分別。。。 呢個意粉講既雙重芝士係指「巴馬臣芝士」同「馬素里拉芝士」,岩哂芝士控呀! 不過芝士味唔算好濃郁好鹹,偏奶味多D。 海蝦都幾彈牙,而蟹肉就唔多覺有。。。 拿破崙意大利粉 $129 呢個係屬於推介意粉,賣相同menu就冇差咁遠喇。 上面有加拿大煙肉同莎樂美腸,不過好似同平時食既煙肉腸仔差唔多 配埋茄汁食酸酸地,都幾開胃惹味~ 試完呢兩個意粉,我覺得中上到啦,右未至於去到「意粉專家」 好味過佢地既出面都有唔少 或者其他意粉、菜式可能會好味D掛 有機會下次再試佢啦~ ciao~ 5粒星為滿分 好食 ★★★ 服務 ★★ 環境 ★★★★ 價錢 ★★★ 中伏 ★★ 意粉屋 The Spaghetti House 地址:旺角彌敦道639號雅蘭中心2樓201號舖 Shop 201, 2/F, Grand Tower, 639 Nathan Road, Mong Kok 營業時間:星期一至日: 11:00-23:30 – SPD4290 鯨吞女 Angel –