又係時間跟我地SPD4290六個女仔去鯨吞啦～ 大家係咪唔會係香港食葡國菜呢？我諗大部分人寧願坐船去澳門食⋯⋯不過其實係香港都係食到好味嘅葡國菜架->就係海港城嘅澳瑪葡國菜～ 呢間環境闊落，裝修好有格調，好彩嘅話仲可以坐到近窗個邊，一路睇景，一路食飯 落單之後會第一時間送餐包，唔⋯⋯冇乜特別 炸馬介休薯球 $68 食葡國菜點少得馬介休呢，馬介休薯球仲要新鮮炸出黎，真係無得彈，外皮炸得啱啱好，食落鹹鹹地，食到停唔到口 招牌炭燒霹靂春雞 $108 同馬介休薯球唔同，d雞皮燶燶地，明顯燒太耐，搞到入面雞肉有d亁身，好彩有點隔離個醬汁，平衡返個口感 炭燒牛肋排 $150 牛肋排又係睇落有d燶，但肉質算ok，入口唔會鞋，保留到肉味，可惜份量唔多，要食薯菜填肚 葡式海鮮燴飯 $238 （2-3人份） 最好味就係佢，海鮮本已經身夠新鮮，d飯仲要吸囇海鮮嘅鮮甜味，個汁撈飯簡直正正正，成碗好快比大家清囇 總括嚟講呢，雖然澳瑪葡國菜價錢唔算平，但係唔想特登坐船食葡國菜嘅朋友，可以不妨試下啦，質素係唔錯～ 5粒星為滿分 好食 ★★★ 服務 ★★★ 環境 ★★★★ 價錢 ★★★★ 中伏 ★ 澳瑪葡國菜 Alma Portuguese Grill 地址：尖沙咀廣東道17號海港城海運大廈3樓OT310號舖 Shop OT310, 3/F, Ocean Terminal, Harbour City, 17 Canton Road, Tsim Sha Tsui 營業時間：星期一至日: 11:30-23:00 – SPD4290 鯨吞女 Yan –
