琴日介紹完fushion菜 今日介紹大家食真西餐 尖沙咀THE ONE嘅The Point 一早約咗個frd食飯 嗰日落完堂餓到暈 我地冇book枱，去到6點鐘，餐廳冇人太好 次次經過都好多人 一坐低就開始睇menu 好多pizza! 我地太鐘意食甜品 一致決定要個甜嘅pizza 跟住再叫咗前菜同一個意粉 蟹肉白酒刁草紅胡椒天使麵 Capellini with crabmeat $148 意粉一黎到 好多蟹肉! 蟹肉新鮮肉質仲好彈牙 天使麵因為幼 每啖都食到蟹肉 同個汁好鮮甜 溫馨提示: 餐牌上有註明有辣椒 我食得好辣 辣味啱啱好 唔食得辣嘅就要考慮下喇 菠菜里哥特芝士烤龍葵菇 Stuffed Portobello $78 依個前菜好有驚喜 上層舗咗啲麵飽粒 成個好似菠蘿包 麵飽粒好脆 中間啲菠菜混合芝士 下層烤菇吸晒芝士味 旁邊有我最愛嘅火箭菜沙律 碟上面唧咗黑醋醬 個醬要讚 好濃同酸甜 好食! Banana Heaven 6" $62 好有罪惡感 我地每人半個pizza Pizza上面有烤香蕉 棉花糖 朱古力醬 再加上雪糕!!! 一啖咬落去 又凍又熱嘅感覺 佢唔係好好好甜 pizza皮好薄同crunchy 超滿足! 環境舒適 食物又好食 所以價錢都偏貴架 不過一餐半餐冇所謂喇 最後評分~ 5粒星為滿分 好食 ★★★★★ 服務 ★★★ 環境 ★★★★ 價錢 ★★ 中伏 ★ The Point 地址: 尖沙咀彌敦道100號The ONE 4樓409號舖 Shop 409, L4/F, The ONE, 100 Nathan Road, Tsim Sha Tsui 營業時間: 星期一至日: 12:00-23:00 -SPD4290 鯨吞女Annisa-
