今次我地SPD4290六個鯨吞女要帶大家去... 去到邊都見到嘅McDonald's! 某人: 又話要介紹西餐嘅?? ME: 啱啊 burger同fries咪就係西餐囉~~^^ 呢排McDonald's將3款包下左架 雖然令到唔少fans傷心 但取而代之嘅係3款全新嘅包 合稱The Signature Collection系列! 推出左4日就已經賣左28萬個包 到底有咩咁巴閉呢~~~~ 我地就即刻帶大家去睇下! 芝味磨菇安格斯套餐 $41 呢個就係供不應求 好多間M記都無得賣嘅芝味磨菇安格斯包 呢款包用咗法式甜包 比平時嗰啲包好好多 唔會又稔又扁 安格斯牛有成130g 睇落比較厚身 但食落去唔夠juicy 偏乾■ 車打芝士就有啲細塊 蘑菇都算好味 不過份量再多返少少就會更加好 清新田園烤雞套餐 $39.8 呢個呢 可以算係板燒雞腿包嘅升級版 燒雞加上蕃茄+生菜+芝士+牛油果醬+沙律醬 見到廣告有牛油果 以為有牛油果片 點知只係牛油果蓉 仲要少到好似無落咁!! 有啲啲失望.. 個包用左bagel 比起平時嘅包有咬口啲 食落口感都幾豐富~ 狂惹火辣脆雞 $39.8 呢個包用左意式軟包 仲有大大舊的buttermilk炸雞 但老老實實 食落同平時脆辣雞腿包舊雞好似差唔多 (笑喊) 佢另一個賣點係有墨西哥小辣椒同辣茄醬 不過對於我呢啲唔係好食得辣嘅人嚟講 簡直係辣!到!噴!火! 啲辣差啲就蓋過曬其他嘢嘅味 抵讚嘅係 佢有一塊好大塊好juicy嘅菠蘿 叫做可以中和返啲辣~~ 總結! 今次呢3款包都係好食嘅 係就係貴過其他餐 但確實同其他包係有啲唔同嘅 尤其係份量❗ 想係男朋友面前食得斯文啲嘅話可能就會覺得有啲麻煩 因為女仔都幾難一啖可以咬曬成個包 不過 油麻地呢間M記嘅服務真係要比個差評 明明有好多人手 但就得一個人負責執餐 明明唔係好多人等緊拎餐 都等左足足4個字先有得食 等咁耐都係第一次........ PS. 咁啱今日係3.14 π-Day 即係Pie Day 所有批 包括蘋果批 香芋批 同紅豆批都係$3.1咋 買完仲會送你一張貼紙 scan完上面嘅QR code再揀個啱心水嘅message 將張貼紙痴落朋友(男/女朋友)度 提佢scan返個QR code 咁佢就可以睇到你留比佢嘅message架啦 有得食又有得玩 咁抵 大家快啲去買返個pie嚟食啦~~ 想睇更多食評 歡迎嚟睇我地另一個blog(CLICK HERE!) 5粒星為滿分 好食 ★★★★ 服務 ★ 環境 ★★★★ 價錢 ★★★ 中伏 ★ McDonald's 地址:油麻地彌敦道518-520號彌敦行地下A及C舖 Shop A and C, G/F, Nathan Tower, 518-520 Nathan Road, Yau Ma Tei, Kowloon , Yau Ma Tei 營業時間:星期一至日 24小時營業 – SPD4290 鯨吞女 Crystal –