又係時間跟我地SPD4290六個女仔去鯨吞啦~ 今個星期係西餐,貴嘅我就食唔起啦,所以將就下去食旺角樓上cafe,揾揾下就揾到第三站 Station 3 Cafe,諗都冇諗咁就衝咗入去食lunch 影下環境先~雖然cafe唔大間,但勝在坐得舒服☺️ 命運之輪$45 女祭師$45 塔羅特飲係呢間嘅特色,加埋有成20幾款 ,我地叫咗2款,左面係命運之輪(士多啤梨橙梳打),右面係女祭師(玫瑰士多啤梨梳打)。命運之輪橙味重d,冇乜士多啤梨味,但女祭師平衡到玫瑰同士多啤梨味,飲落幾夾,又唔會太甜,gd呀■ 提提大家,食Lunch set會包$34飲品,過$34係要補差價架! 田園沙律 ($30 頭盤+甜品) 餐牌寫lunch set加$30就有頭盤同甜品,唔算好貴,所以就加咗1份。沙律都ok嘅,其實主要係個醬好食 法式忌廉煙肉雜菌燴長通粉 $60 呢個真心唔得,d汁稀到似水,通粉完全冇辦法同汁一齊食,入面仲有我唔鐘意嘅雜豆■ ■■ 黑松露帶子鮮菌燴意大利飯 $70 呢個正常好多,燴飯本身個汁ok,帶子有鮮味,鮮菌份量多,不過黑松露唔夠香,食落有d淡,同埋個人覺得面頭綠色嘅嘢同飯唔多夾 朱古力蛋糕 ($30 頭盤+甜品) 成個蛋糕有4層,有朱古力碎,忌廉,咖啡蛋糕同朱古力蛋糕,食第1啖個陣朱古力碎已濃到遮曬其他味,不過都好好味,鐘意朱古力嘅朋友唔好錯過~ 除咗朱古力蛋糕,其實仲有藍莓芝士蛋糕&紐約芝士蛋糕可以揀架! 總結下先~呢間環境幾好,食物係得通粉伏,其他都ok,所以中規中矩啦 想睇更多食評 歡迎嚟睇我地另一個blog(CLICK HERE!) 5粒星為滿分 好食 ★★★ 服務 ★★★ 環境 ★★★★ 價錢 ★★★ 中伏 ★ 第三站 Station 3 Cafe 地址:旺角洗衣街39號金雞廣場25樓08-09室 Flat 08-09, 25/F, Golden Era Plaza, 39 Sai Yee Street, Mong Kok 營業時間:星期一至日, 公眾假期13:00-01:00 – SPD4290 鯨吞女 Yan –