上回提到,呢一篇會介紹韓國之旅既美食 而家就即刻去相啦! 上次預告過既食物就係炸醬麵,上圖係未撈之前炸醬同麵分開上既樣 至於味道,三分鐘就覺得麻麻,冇想像中咁好味,但就勝在唔辣,未試過既可以一試。 同行友人就表示水準同佢係香港食到既相約。 終於迎來到埗韓國的第一餐! 期待已久既----芝士排骨! (三分鐘從來未食過) 未食已經流曬口水! 叫佐兩人份,芝士同排骨各一半,四個人食都夠曬飽。 鍾意芝士同濃味既人,芝士排骨就岩曬你! @弘大某燒肉店,牛肉專門店,只有幾款肉可以揀,雖然款式唔多,但就款款都有標明份量(g),夠均真! 可能見我地係外國人,所以全程都有呢位韓國大媽幫我地燒,佢仲好細心幫我地剪好曬細細塊方便食。 同場追加一碗水冷麵,唔好睇佢外表平平,食落其實有驚喜! 酸酸地既湯底加入佐大量碎冰(三分鐘認為佢之所以叫「水」冷麵係因為佢d冰)製造冰涼既口感,配埋青瓜絲同芝麻,食落非常開胃! 十級推介!!!!!!! @人參雞專門店 三分鐘同友人呢餐晚飯叫佐土人參雞、泡菜餅、雞絲粥同鮑魚粥四味,味道都唔錯。 總算一完友人想食人參雞既心願,不過,兩味粥就令三分鐘有d失望,兩味粥既粥底係一樣既,只係上面既配料唔同。 @CaFACE 서울특별시 마포구 서교동 358-51 1층 電視節目介紹過既印相CAFE 抹荼味雞蛋仔 味道偏甜,冇咩抹茶味 朱古力味雞蛋仔 味道唔太記得了,但就比抹茶好味 呢到既雞蛋仔既質地比較軟身,簡單D來講,就係「林」同唔脆,三分鐘就比較鍾意食香港香脆既口味啦。 @廣藏市場 食落滑嘟嘟,配埋超級酸既湯底食 好酸 好酸 食完都唔知咩來1 @廣藏市場 冇咩味道 食完都唔知咩來2 @廣藏市場 左邊係粉絲撈(自己改),右邊係辣雞腳。 食完都唔知咩來3 又來到今次韓國覓食之旅既重頭戲之一,炸雞XI! 三分鐘分別叫佐兩間炸雞外賣,一間係芝士味,一間係蜂蜜味,夾埋係4-6人份量,四個人當晚餐食都食唔曬 兩份炸雞既表皮都非常香脆,雞肉都幾滑,而芝士味就比較乾身,蜂蜜味就較濕。 劉在石代言芝士味炸雞 蜂蜜味 三分鐘最愛---豬腳! @ISSAC早餐店 韓國當地非常出名既全日早餐店 食物味道真係唔錯,三分鐘今次起韓國5日,就食佐兩餐。 推介推介!! 韓式拌麵,都幾辣 可能口味問題,三分鐘覺得,好難食! 前排好興既韓國限定益力多冰,食落係冰佐既益力多,溶佐可以當益力多咁飲。 跟手試埋益力多軟糖,就係益力多咁既味,兩者都冇咩特別,可以唔試。 點擊圖片放大 仁川機場既最後一餐--海鮮湯飯 唔驚唔覺,三分鐘又過佐, 下一篇 約定你。