以前一影完證件相就要派街坊, 務求每個朋友都要有一張係手 雖然唔知儲黎仲乜, 但妹子有時執野, 都會搵到一大堆同學仔既學生相 青春, 真可愛青春 因為急切關係, 價都冇格就走去快x美影, 一入到去就問店長叔叔影證件相有冇$30-$40一打12張 佢竟然答我: 最平$80/6張跟一隻光碟可以重曬 我當堂嚇左一跳然後就得啖笑, 見到poster上有個價係$80/16張...喔, 因為冇隻光碟 唔要光碟啦! $80/16張, 其實係咪有d唔洗咁貴? @@ 店長叔叔比塊鏡我照下, 就幫我影左兩張再揀黎曬 (第1張係殘, 第2張更殘) 過程只要3分鐘搞店 影完...佢問我: 加唔加$10美肌? 我: =.= 唔洗啦唔該 (係咪因為個樣太殘連店長叔叔都覺得我要美肌? ) 當我同朋友講店長叔叔問我加唔加$10美肌...都笑我仲咩唔加? 又唔化個妝先去影! =.= 因為一來好突然要去影...二來平時上班都素顏 @@ 冇準備之下, 唯有.... 咁。 原來今日影完, 即日已經有得拎, 岩晒好趕急既我!!! ^^ 下次都係屋企樓下做優惠個時同村民排隊影啦...$10有一打....
