我好鍾意著淨色TEE. 因為係淨色永遠唔會OUT (即係間接講我唔係好捨得俾錢買TEE. 300蚊1件TEE 我覺得已經好貴) (好似黃子華話買得起勞力士既人都係為左保值. 而有錢既人根本唔會買勞力士XD) 到手! 一到手哥刻係諗: 嘩!咁黑既... (喂! 你係買黑色TEE OK?) 好似帶左眼罩話好眼一樣. 好低能!!! 呢次真心冇伏. 平野有好野! 我都諗住下次買多幾件 都幾多色揀. 可惜我呢幾年已經係UNIQLO 買左好多件淨色TEE... 所以淨係買左黑色今次. 纯色t恤男夏季圆领汗衫男体恤宽松全棉T恤衫短袖t恤半截袖男包邮 睇下D車線先: 冇線頭!GOOD! 著上身. 質地舒服. 唔算薄. 唔會硬 (唔識點形容! 你明就明啦XD) 手臂位唔會好緊. 我好憎D TEE 成日個手臂位好鬼緊. 但個身明明係岩岩好! 試完身. 拎去浸下睇下甩唔甩色. 倒出黎D水都冇甩色出黎. GOOD 總括黎講! 我認為呢件衫真係好抵買XD