因為之前成日都落雨. 我係UNIQLO 買哥把縮骨遮唔見左. 另外之前係MTR 買既縮骨遮又爛. 所以就諗住淘把遮. 但我發現到貨之後係冇點落過雨 -_- 即係其實我係冇用過. 之前都唔記得講. 今次用左4PX 集運. 但我唔鍾意佢係咁SEND MSG. 可能有D人覺得咁樣好有交帶掛... 但我唔鍾意. 我之前都係用非管方. 因為有時買D野. 官方未必會送... 但佢都幾貴. 首重RMB20, 再上就1KG RMB6... 所以如果唔係有咩液體哥D. 我都係揀返平少少既官方集運算啦! 今次淘既係反向傘. 我其實係外國KICKSTARTER 見過既... 但當時我覺得係冇用既. 因為我唔識揸車... 但係今次去完台灣坐得多TAXI 同UBER... 我覺得... 我真係好需要一把... (題外話. 我覺得係台灣搭UBER 真係同TAXI差唔多錢... ) 德国创意双层反向长柄伞男超大个性广告伞定制汽车免持式商务雨伞 RMB33.8 好! 把遮我揀左墨綠色 同埋C字手柄 有好多人都問我點解會揀C字. 因為我絕對係電話上癮. 我完全係因為佢可以套係我隻手. 而我2隻手仍然可玩電話而買既... 不過我知冇得掛真係好唔方便既............................................. 打開膠套 唔打開把遮原來係企唔到係到既... 把遮大概有80-90CM 咁高到... 好. 開遮. 就咁推上去... 都幾順推得 推到有個位頂一頂. 把遮變左咁. 嚇死我. 心諗唔L係中伏下話. 買左把裝雨既遮 -_- 再推上D. FOP 一聲就變返把正常既遮. 但就係變左黑色 由於佢有2層. 影唔到D骨俾大家睇. 但咁既價錢. 都算幾好不錯! 佢唔係好墜手. 我估唔係真係好大風都應付到既 如果之後有機會用到. 再UPDATE 返!