人體冇咩營養要由碳水化合物中吸收，所以唔食粥粉麵飯唔係問題。但係有D微量元素或維他命，生酮人士可能就唔夠，要補充。 我唔建議買補充品，最好嘅吸收方式都係由食物中攝取。因此，好多 KETO 人士都會煲骨湯。我就有少少心得。 先講製作方法，好簡單。 我用4L電子煲煲的。水大概用2.5L。 預備材料： 半個洋蔥、半條胡蘿蔔、2條西芹切片、少量醋、1-2條蔥、3片姜、加入少量黑糊椒同海鹽（生酮最好去 City Super 買 LoSALT $40 就有 350克，好平）。 可加入唔同嘅冬菇，增加味道同口感！ 至於骨，豬骨、牛骨都得。要買骨，早D去街市買，夠新鮮。夜咗係冇骨賣，原來骨好搶手！ 買骨嘅話最好買關節位，因為「較位」有脂肪又有骨髓，係寶藏。 1）首先川燙D骨先 2）之後全部食材放入煲 煲4-5小時，就飲得！
