在橫街窄巷裡飲杯茶 好久沒有寫blog, 特意進來掃掃塵。這次要介紹的是在觀塘橫街窄巷裡的新式點心店。話橫街窄巷都無誇張，因為要搵佢都唔容易～ 點擊圖片放大 係宜安街街市附近轉上去 雖然當日係清明假期下晏點幾2點，但係都好滿座。入到去就見到呢鋪頭仔細細，的的骰骰咁。天花吊燈亦相當有格調，即使是食中式點心，仍散發陣陣潮人味道。 再睇餐牌，就明白呢間點心店如何將「新」與「舊」融合在一起。 幾年前都有一些潮流點心店大行其道，雖然味道的確可取，但終究還是傳統的款式。今次試食的卻是在傳統菜色上添加了創新的元素，在熟悉的味道上起了些小變化。親切得來又有點意外。 當日叫咗。。。。。。 【青芥鮮牛肉饅頭】賣相幾有趣，牛扒仔都幾厚。可惜我唔食wasabi，所以只淺嘗一口。 【鮑螺雞燒賣】好味的，但係由於菜色太新穎，結果我地分開晒咁食 【濃湯鮮竹卷】個淂幾好飲（好似係） 【江南俏鍋貼】係幾juicy 係幾俏嘅～ 【 瓊金流沙包】啲黃真係一咬就流沙咁流出嚟啊！ 【鮮蝦蒜芯餃】D蒜芯又唔會好大陣味喎！而且D蝦都幾多幾大隻 【蟹子燒賣皇】O_O 除了傳統點心外，餐牌上最吸睛的莫過於右邊的「即磨咖啡」、「花茶」、「蜜蜜飲」、「手工啤酒」。這些都不是傳統的茶樓會有的！於是乎臨走都叫咗個「鐵觀音咖啡」 係咁多先啦！遲下再入番嚟掃塵啦～ 吉吉點 Gut Gut Dim Sum 觀塘宜安街7號財利大樓地下E舖 2363 0738
