［明愛暗戀補習社］點解女朋友M到大_晒？ 問愛戀易學難精可否惡補？的確好多人一講到拍拖就話有又煩，無又煩。最煩係唔知對方想點。尤其是男人諗都唔明點解女朋友一M到就鬼上身咁，小鳥依人都變史前翼龍！咁到底點解女朋友M到會咁呢？ 1. M痛 M痛非筆墨紙張可以形容，大概就好似陰D陰D的胃抽筋，對落DD，即係子宮咁上下位。Well～我知巴打們是沒有子宮的，所以你可以想像你條腸落D，膀胱附近D唔三唔四嘅位全日keep住痛。(meanwhile,隔離有個呢一世都唔會感覺到嘅男人係咁問你邊度痛。只好心諗：講一世你都唔明M係點㗎啦！收聲俾我抖抖啦唔該！) 註：M痛成因有好多，壓力就係其中之一。所以女人嘅M痛係每日由工作丶家庭丶甚至係啊大帝你累積而來的。平日受氣都唔止，仲要積埋做M痛，所以女人M到點可以再受氣？ 2. M巾 M巾有分日用夜用。日用唔只有太陽嗰時用得，臨近完M嗰一兩日無咁多血(即係廣告講嗰D流量啊)都會用。夜用一樣，唔只太陽落咗山先用得，頭嗰幾日放血式嘅流量都一定要用。日用同夜用實際上有咩唔同？就係長度啦。日用大概由女朋友嘅毛毛位去到正下方，夜用就去到pat pat丶褲仔邊丶超過褲仔都有。仲有D夜用好鬼厚，厚到好似BB D尿片咁。我都未計棉質丶網面丶這個那個texture⋯⋯林林總總，一個唔覺意買錯隻唔舒服嘅丶用唔慣嘅，都咪話唔燥！ 啊！尤其是夏天，著背心短褲都出晒汗啦，仲要攝住塊M巾！？加埋本身因為M到而上升嘅體溫，同埋新鮮滾熱辣嘅M血！呼～諗下都想打人。(唔好問點解唔䦕冷氣飲凍飲，因為所有生冷嘢都會加劇M痛，例如冷氣丶冷飲丶冷言冷語丶冷眼丶冷對待⋯⋯ 3. 漏M 1同2都只係啞巴食黃蓮，有苦自己知。不過漏M就係面子猶關！Pat pat一撻紅喎！淨係諗下點遮都夠煩，仲盡快洗走佢呢？但係洗完又係一撻喎！而且，D血係首先漏咗係內褲仔，再到面褲／裙，再到坐緊個張凳！咁洗得邊樣？如果係一覺瞓醒見到張床有一撻血，真係燥足一日！其實漏得M都一定會流量多，流量多個人又虛弱，虛弱但又要洗呢樣洗果樣，想唔發脾氣都難啦！ 其實女人每次M到都係身體嘅一次調整，可以的話就遷就一下你M到你女朋友啦！你錫一啖就好過所有panador la~
