美食、櫻花、行山盡在長洲 Last Weekend請個星期五，去了長洲玩2日~美食、櫻花、行山悠悠閒閒咁遊長洲! 美食 允升甜品 (長洲新興街3號) 去到長洲，當然唔少得允升芒果糯米滋啦! 今次去到仲發現多咗紫米皮可以揀喎! 紫米唔算好濃味, 單食都唔多覺有唔同。不過咬啖原味再食紫米味就食得出有分別啦~淡淡地, 又唔會好寡~ 多多美食 DoDo Food (長洲新興海傍街81號地下) 長洲好多街邊檔, 其中最長龍就係呢間啦!可能好多人都食過, 講得出"金毛車仔麵"、"金毛雞蛋仔", 但就唔知原來佢叫多多美食! (我都係openrice先知咋)以前食過佢地嘅芝士焗蠔, 原來而家出咗芝士焗龍蝦!當然要試埋啦!! 龍蝦無焗蠔咁有surprise, 而且有點點"鞋", 可能龍蝦始終不能焗太耐~但係焗蠔就保持水準~除咗生蠔之外老闆仲加咗D細蠔仔增加口感ga~ 左:焗蠔 右:焗龍蝦 點擊圖片放大 海盜王張保仔 (長洲新興後街152號地下) 呢間係新開小食, 以前去都無見過。由落船開始就會見到有人拎住塊好大好大, 大過我塊面吧波板"餅", 原來就係呢間咁霸氣嘅海盜王張保仔!!!呢塊係焦糖餅嚟嘅, 最好2個人食啦~一齊sweet sweet (1個人食就太甜啦 :P) 點擊圖片放大 +2 點擊圖片放大 +2 個公仔可以自己揀ga! 熊屋 Bears House (長洲大新後街114號地舖 ) 好偶然咁見到呢間小食(話說係比人捉去行完山之後見到, 即刻要食啦!!)個三文治蛋糕好鬆軟, 而雪糕又好味wor~正呀!!老闆娘仲好好人咁幫你將個cake一開四, 啱晒女仔細細啖咁食~ 點擊圖片放大 +6 通記 (長洲海傍街熟食中心4號舖) 聞名不如見面, 長期"冇鮮魷"嘅通記竟然有鮮魷!!!唔好講咁多! 2碗唔該!!D鮮魷睇下就知新鮮啦!!! 點擊圖片放大 長洲宵夜檔 雖然日頭食咗咁多美食, 但係夜晚都要繼續食架!!!夜晚11點左右, 長洲碼頭就會有幾檔小販檔, 賣下糖水、涼茶, 當然唔少得煎釀3寶啦!就連即製腸粉都有添!!別有一番風味架!! 點擊圖片放大 +6 點擊圖片放大 +2
