夜市美食多到數唔到,但多數都離唔開煎炸嘢熱氣嘢,而年頭去台中逢甲同高雄瑞豐夜市,就搵到令一直忘記唔到嘅美食!!好味又唔熱氣!! 平時我食嘢無咩要求,只要大件夾抵食,味道唔錯就已經好滿足,而去親台灣,晚餐通常都係去夜市掃街,乜都食下咁。當日又係空住個肚去好大好出名嘅瑞豐夜市。 行咗一陣見到有檔堆左好多蒸籠,原來係賣小籠包,見到佢個籠成個面盤咁大,小籠包閒閒地都有7, 8隻,心諗應該唔平得去邊,但男友見到已經流哂口水,即管坐低試下啦。 叫嘢食要先同檔口姐姐落單,一睇, 好抵!!!!!!!!!! 準確價錢唔太記得,總之圍埋唔洗廿幾蚊港紙,真係令我又驚又喜,之前去其他夜市都冇發現!! 小籠包全部熱騰騰,肉嫩又多汗,而家睇返相都好鬼肚餓,後尾都叫埋酸辣湯,即係右邊個一小碗,個人認為一般。 食完之後我都飽咗一半,唔洗俾啲熱氣野引誘到 8-) =========================== 同一個旅程嘅尾二個日,我由高雄落返台中。 搭車無聊搵下逢甲附近有乜好食,俾我搵到間好多人讚好食嘅「吉峰蒸餃」,落車個時已經肚打鼓,即刻狗衝去。 由於太興奮食得太開心,無影到相。貼住張店家官網圖先 (source: http://0424738572.54vip.com.tw/) 同樣係蒸,但呢幾隻吉峰蒸餃真係不。得。了,一籠成十隻,隻隻都半隻手掌咁大,放入口唔洗三秒已經覺得感動,仲要只係..................30蚊台幣................ 可唔可以嚟香港開分店啊?!?!?!實多人幫襯過M記。 Info: 吉峰蒸餃 地址:台中市西屯區福星路236-1號 營業時間:10:00 a.m. - 9:00 p.m. 公休:每月第二、四個星期二 網址:http://0424738572.54vip.com.tw/ (p.s. 台中有多間分店,不能盡錄)