西貢白沙灣碼頭酒店裏面有一間餐廳,餐廳外面嘅環境好舒服。 一入到去,樓底非常之高,入到去感覺好舒服。一坐低職員會介紹佢哋會係用白神山地之水比客人飲用同埋處理食物。 今次叫咗一個天餐,同一個星餐。前菜有三款,松葉蟹肉配醋啫喱,味道酸酸地感覺幾開胃,醬油鮑魚,鮑魚夠爽口,醬油味唔會太濃。蕃茄蓮藕餅,炸得好香口,幾好食! 刺身三點令和怪物,味道鮮甜入口creamy。醋鯖魚有經過熟成,魚味更加濃。水八爪魚味道口感彈牙。 銀雪魚西京燒,肌肉結實,食落好有魚油嘅香味。 A5西冷和牛,燒過嘅西冷和牛飯落會更加香口。 A4和牛壽喜燒,和牛入口即溶,壽喜燒湯底整得唔錯,又唔會太甜。 班魚湯,採用左日本嘅班魚,入口清甜。 雜錦魚生飯,角切拖羅都幾多,食落啖啖魚生幾滿足。 最後甜品係超甜嘅靜岡蜜瓜,我另外一款就係京都豆乳布丁🍮,豆乳味好出,口感棉滑😋。 食の劇場地址:西貢白沙灣碼頭酒店地下 #WATheater #WA #食の劇場 #sushi #omakase #廚師發辦 #壽司店 #刺身 #壽司 #日本料理 #日本飲食 #時令食材