脫牙緣由我下排隻大牙有個突出嘅「尖尖」，之前去檢查，醫生話叫做「畸形中央尖」，主要係話牙齒發育過程畸形造成，但因為一直都冇咩感覺，我都冇去處理。但冇諗到，我上次食大骨煲個陣，隻牙直落咬到骨頭，大牙嘅尖尖斷咗，當時冇去處理，但三四個月之後，隻牙時不時都會痛下，去衛生局檢查，醫生話牙齒已經發炎，之後做埋治療，但牙痛一直都反反復複，最後醫生建議我脫牙。之後又去其他牙科檢查，都系建議我脫牙。之後經常陣痛，無奈之下只能先脫，但因為醫生話空缺嘅牙會影響到兩邊嘅牙同上排牙都會鬆動傾斜，無奈澳門種牙費用好高，所以，都係決定上大陸整。搵牙醫過程係澳門都有問過幾家，但種牙價錢真系好貴，身邊好多fd介紹，拱北陳雲平醫生手勢好，資歷高，所以就決定先book咗去面診。當時系免費檢查，瞭解咗種牙嘅價錢，平澳門好多，因為都希望可以用得長久d，我選擇Nobel植體，加埋全瓷牙套一共$12000，醫生話注意定期保養，同埋按照時間複診維護，都可以用好耐。種牙過程當時醫生話我嘅情況適合種牙，骨量冇問題，都好詳細介紹植牙方案，簽咗同意書就開始手術。醫生先用消毒嘅棉團系我嘅口周圍都塗曬，身上用清潔嘅布蓋住，露出口腔，當時因為打咗麻藥感覺唔到切開牙齦、鑽孔嘅痛，但植入牙體都係有感覺嘅。當時醫生都好細心，話如果覺得有任何唔舒服嘅話隨時可以抬手示意暫停，但好彩全程我都冇太明顯感覺。 手術之後又影咗牙片檢查效果，領咗d消炎藥同埋漱口水，我係一個禮拜後去拆線，拆線比較簡單，都唔痛，好似比蚊子咬下咁wor，最後醫生話植入植體大概三個月之後可以去做牙冠la，期待最終裝埋牙冠嘅效果。
