點擊圖片放大 +6 泰國菜俾人感覺平民化、多數都係去啲街邊小店享用，但今日介紹呢間泰國菜餐廳裝修美輪美奐，風格同擺設有泰國特色之餘又坐得非常舒服～又因為泰國菜本身就好適合一班人嗌好多款菜式share黎食，啱哂朋友飯局꒰( ˙ᵕ˙ )꒱！❝脆炸蝦餅❞ ($98/4件 +10% → $108)〔必嗌！〕呢份蝦餅真係做得非常出色！除咗入邊有原隻鮮蝦、肉質爽口彈牙之外，外層炸皮先係精髓所在～有別於一般炸蝦餅，佢嘅炸皮都有輕微調味、緊緊依附於蝦肉之外無皮肉分離，惹味可口。❝咖哩炒軟殼蟹❞ ($208 +10% → $229)送飯一流～食咖喱就必須要嗌一碗油飯啊٩꒰ ˘ ³˘꒱۶~♡ 而且份量非常巨型，起碼有6-8件軟殼蟹，建議大家有返3-4個人黎食先好嗌！咖喱辛辣味道溫和，對於食辣BB班黎講都係容易入口。❝香酥薄餅❞ ($58 +10% → $64)對我來講呢種口感酥化又多層次嘅薄餅係泰國菜嘅靈魂食材！無論係配咖喱、抑或就咁單吃都唔會單調，不過嗌得咖喱當然就唔好放過啲咖喱汁ᕦ⊙෴⊙ᕤ❝泰式沙嗲（豬肉）❞ ($48/2串 +10% → $53)〔推介！〕串燒又係king size！作為小食食一串都非常足夠。肉質鮮嫩可口，而且又做到鎖緊肉汁，調味恰當，配合旁邊嘅沙嗲醬一齊享用相當滋味呢～❝芒果糯米飯❞ ($98 +10% → $108)〔推介！〕雖然食完主食已經飽到七彩，不過都冇辦法阻止我品嚐埋芒果糯米飯～不過都要有心理準備糯米飯嘅份量都頗多、加上椰汁椰漿又調配得啱啱好，仲要撞正芒果當造，真係會忍唔住食多啖又食多啖（嗝）。飲品方面點選咗 ❝青檸梳打❞ ($42 +10% → $47) & ❝泰式奶茶❞ ($42 +10% → $47)，兩杯同樣質素不錯﹑甜度適中。𓂃𓈒 𓂂𓏸 Thaiology 𓏸𓂂 𓈒𓂃 @thaiologyhk 銅鑼灣駱克道463-483號銅鑼灣廣場2期6樓港鐵銅鑼灣站C出口，步行約3分鐘抵達每日12:00 - 16:00／18:00 - 00:00營業𓂃𓈒 𓂂𓏸 用餐提示 𓏸𓂂 𓈒𓂃餐廳室內裝修走暗黑風格，有相當多嘅泰式裝潢擺設，totally in the right vibe for thai cuisine!!❋ 可經Openrice訂座𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐點味道 | ♥︎♥︎♥︎♥︎♥︎♥︎♥︎♥︎♡♡抵食指數 | ♥︎♥︎♥︎♥︎♥︎♥︎♥︎♥︎♡♡店舖環境 | ♥︎♥︎♥︎♥︎♥︎♥︎♥︎♥︎♡♡用餐體驗 | ♥︎♥︎♥︎♥︎♥︎♥︎♥︎♥︎♡♡推薦程度 | ♥︎♥︎♥︎♥︎♥︎♥︎♥︎♥︎♡♡適合場景 | 休閒用餐﹑二人／四人或以下聚會更多同區美食 ☞ #17銅鑼灣更多同類美食 ☞ #17泰國菜♥️ 追 蹤 @17feelgood 發 掘 更 多 高 質 感 食 事 / 日 常 / 旅 遊 提 案 ♥️
