星期日我帶咗Chester去紅十字會總部參加「小紅星獎勵計劃」啟動禮暨大型遊樂日！ 「小紅星獎勵計劃」係專為 3至6歲小朋友而設嘅品格教育項目，今年主題係人道小英雄之 俠義「童」行，希望培養小朋友成為具有善良品格同理解他人需要嘅「人道小英雄」而「小紅星大使」Joyce鄭欣宜仲喺現場帶領小朋友玩遊戲，鼓勵佢哋主動幫助有需要嘅人～ 當日活動有小朋友最鍾意嘅面部或手部彩繪😍 Chester畫咗蜘蛛俠🕷️隻手扮superhero🦸🏻♂️呀，佢好滿意哩個造型！覺得好型😎！ 之後我哋捐咗$20撈波波， Chester中咗BRIK TILE精裝積木套裝🎉仲有4份小禮物添🎁 然後我哋去咗2樓玩大型遊樂設施！每項遊戲各具特色，玩樂中俾小朋友發揮創意、訓練小肌肉同平衡力添！點擊圖片放大 +5 Chester玩得好盡興！開開心心帶住禮物🎁滿載而歸返屋企🏠 「小紅星獎勵計劃」為年度計劃，小紅星們可透過參與紅十字會舉辦嘅各項精彩活動或工作坊們如 #親子急救工作坊 及 #講故事馬拉松 學習良好品格，亦鼓勵小朋友參與及係日常生活中執行人道服務去累積分數，並根據分數獲發「小紅星獎勵計劃」之非凡、傑出、卓越或參與證書。小朋友從中可認識到無私及關懷嘅重要性，係日常生活中幫助身邊有需要嘅人，從小實踐人道精神。 「小紅星獎勵計劃」可以讓小朋友從活動中培養良好品格，分數獎勵令佢哋更有動力幫助身邊有需要嘅人！大家都立即幫小朋友報名成為「小紅星」一員啦！ 報名連結：https://bit.ly/3vh8I2e
