未做媽媽之前我真係好鐘意做人手FACIAL，因為除左護膚之外，仲可以好好享受下按摩，做完成個人都覺得好RELAX，但做左媽媽後分秒必爭，因為太忙近年都選擇左比較快見效的LASER FACIAL，前後唔洗20MINS就做完，但係屋企就要勤力做足補濕或者MASK先可以KEEP到效果。我2個仔仔都開始大，我覺得我係時候擁有返少少 ME TIME，上星期就去左Sense of Pure Skincare 淨意坊做左一個日本ADJUVANT AE MISTY III 日式陶瓷小顏v面療程，做一次Facial可以同時享受到4種服務，做完真係成個人都容光煥發左好多呢!! ^^ Sense of Pure Skincare 淨意坊位於尖沙咀厚福街，MTR一出5分鐘左右就到，一出電梯見到好多花的裝置，感覺好優雅好舒服。 入到去聞到陣陣香氣，仲見到櫃上有好多奬項，令到我對今次體驗的療程更加有信心。 今次我做呢個日式陶瓷小顏v面療程係用上左日本 Adjuvant EGF 納米白金酵母緊緻精華，佢有效激活同緊緻皮膚，佢當中的富勒烯仲大有來頭添(諾貝爾得獎成分)，呢個成份可以防止細胞死亡，抗氧化能力比維他命C高125倍，十倍Q10成分，能激活細胞新陳代謝，高效抗氧。 頭先都講過呢個係一個FACIAL但有4種服務 (包括按摩、暖宫、美容緊緻、活血排毒)，佢係由外至內咁保飬，一開始美容師會用排毒薑油幫我舒壓，再用熱石進行背部按摩。期間肩頸/腹部/足腿都會溫敷佢地獨家首創的漢方藥鹽包，敷緊既時候有少少暖暖地既感覺。 按摩完真係舒服到差DD訓著，開始做療程前，另外再有一包漢方藥鹽包敷喺子官位置，達至暖宫效果，可以做到由內去外的治飬。 美容師會以排毒柔膚潔面，再以有機原蜜豆抹清潔面膜，深層清潔皮膚上的污糟，以漢方當歸薰蒸噴霧，擴張毛孔後再人手修眉及針清黑頭粉刺暗瘡。 之後用上日本 Adjuvant MistyIII納米白金酵母緊緻精華，精華係EGF 生長因子 13種胺基酸組成，低分子更易滲透至皮膚，用佢來按摩面部，每個角落，都可以保持水潤。 美容師再會以日本北投石陶瓷經絡按摩面部，可以達至三大功效，有助皮膚排毒，更緊緻，面部望上更V更瘦， 加上迅汽刮痧療法及撥筋療法，配合獨特經絡按摩手法 暢順經脈調和氣血，做完血氣運行得好，塊面好似小朋友白裡透紅一樣。 做完後塊面即時見到明顯提升左，虎紋都減淡左，望落感覺更立體。 之後再做一個有機玫瑰 花瓣 海藻保濕面膜，美容師會再按摩頭部、肩頸及手部，今次真係頂唔到啦.....舒服到訓左，我都已經唔記得左幾耐無試過訓美容覺，真係太舒服啦。哈哈 20分鐘後再塗上Is Clinical SPF 50+ 輕透防曬霜，成個日式陶瓷小顏v面療程就大功告成啦。 做完後塊面真係好似打左燈一樣，透白左好多，而且皮膚好似飲飽水咁，有好彈性。 而我最緊張的V面效果，睇返前後對比真係非常明顯，成塊面望落無咁水腫，FIRM左好多，幼紋老虎紋都減淡左，成個人望落好似後生左2歲咁...哈哈, 好開心啊!!! 做完FACIAL仲可以飲埋佢地特製的時令黑糖養生茶，呢個療程除左塊面靚左瘦左之外，最特別係佢真係做到保飬應該由內靚到外的效果。 雖然近年醫學美容或者有好多美容儀器都好受歡，但因為能量高，除左有機會灼傷皮膚，亦唔多唔少都會有DD痛，雖然快靚正真係好啱我地忙碌既香港人，但享受其實就唔洗太快啦，人手FACIAL成個感覺的確係一種享受，所以我覺得2者都可以KEEP住做。 而今次日本ADJUVANT AE MISTY III 日式陶瓷小顏v面療程，一次FACIAL可以享受到4個服務，成個過程真係舒服到唔捨得走，而且效果唔係短時間，我做完2星期後同小朋友去旅行，影相時塊面依然KEEP到小顏v面，所以我真係覺得物超所值呢，大家有興趣可以聯絡Sense of Pure Skincare 淨意坊查詢或預約試做啦 ^^ 優惠需要預約 並於預約前說明享用此優惠 登記首次體驗 日本ADJUVANT AE MISTY III 日式陶瓷小顏v面療程 （體驗價$320）90 分鐘 預約及查詢 3575 9023 Whatsapp: 9343 1817 --------------------------------------------------------------- Sense of Pure Skincare 淨意坊 尖沙咀厚福街祥順中心11樓全層 www.facebook.com/1437ritaandhim 感謝Sense of Pure Skincare 淨意坊提供療程體驗，歡迎大家給予意見，如有任何邀稿或產品試用，請電郵聯絡: ppqq1437@yahoo.com.hk，我的其他15個BLOG分享包括: Instagram, Blogspot, BeautyExchange, Oh爸媽、24partent專家博客, Weshare, she.com, theZtyle, ELLE.com, style-tips, U Blog, Esdlife靚太club, QOOZA, Mybb.com, ClassesWePlay星級blogger, Mamibuy駐站部落客, OpenRice(級別4)
