點擊圖片放大 Café BAU 係 LUBUDS飲食集團旗下3月開立嘅新餐廳。整個概念﹑behind the menu就係由有「Demon Chef」之稱嘅米芝蓮三星名廚Alvin Leung主理! 餐廳講求「農場到餐桌」嘅餐飲體驗，每轉上菜職員都會有好用心詳細嘅講解。而且餐廳十分支持本地農產業，致力採用本地食材，配合外國烹調方法，係中西融合恰如其分嘅fusion fine dining!點擊圖片放大 ▪️Appetizers – Seafood Blini﹑Shrimp RavioliSeafood Blini 食落第一個感覺係好似蠔餅! 但少咗中式煮法果種油炸嘅油膩感，香脆﹑鮮味，配上普寧豆醬嘅油醋汁，加多些少咸香，成件事好match。Shrimp Ravioli 靈感源自蝦餃，意大利雲吞皮裡包住新鮮蝦同羊肚菌，完完全全level up咗日常食嘅蝦餃，另外配埋個雙倍雞湯。建議大家用支湯匙，將半粒Ravioli加羊肚菌加雞湯一次過放入口，超回味!! ▫️Mains – Roasted Pigeon﹑Braised Pork Belly好喜歡食乳鴿嘅我，見到有呢個option當然唔能夠錯過。同平時食開中式嘅燒乳鴿好唔一樣，呢度嘅Roasted Pigeon表面塗上一層甘蔗糖漿再香烤到脆皮，內裡肉質熟度剛好6成左右，好嫩滑，而且已經做咗去骨處理，啖啖肉! 仲配上八珍甜醋醬汁，朋友超鍾意!五花肉亦係我另一愛吃之物，襯底嘅risotto用上薏米同開心果，配以自家製XO醬，呢個配搭可以令到五花肉食落嘅油膩感減低。 ▪️Desserts – Fruit tart﹑Coffee and TeaFruit Tart食落其實有少少拿破倫感覺，因為個撻皮整得好薄脆，配埋好輕盈嘅玫瑰啫喱同山竹石榴雪葩，係好refreshing嘅甜品。Coffee and Tea一向平時都係我每日必需品，呢款甜品係有4重口感，牛奶泡沬﹑淡奶雪糕﹑咖啡奶酥加埋本地紅茶panna cotta，好有perfect match嘅感覺，輕盈、奶滑、酥脆感都有齊晒! 好喜歡呢個甜點，喜歡Coffee and Tea不二之選!點擊圖片放大 ▫️最後好想mention返剛坐低就享用到嘅麵包，兩款麵包都好好味之餘，配上嘅橄欖菜奶泡都好正!! 第一次用呢種奶泡質地沾麵包，咸咸空氣感食落好有新鮮感。真係好perfect嘅一餐fine dining好開心同好朋友一齊食咗餐咁正嘅「農場到餐桌」餐飲體驗! 一路食好西一路傾生活日常真係好chill，做咗媽媽之後都真係要間唔時對自己好D，俾D me time自己做自己喜歡嘅事開心吓，對我地兩個嚟講就係食吓好野就開心!未生小朋友兼COVID之前我係個foodie + travelholic，好鍾意寫blog分享好食好玩嘅地方，希望兩兄妹慢慢大個，我可以有多D時間做返自己鍾意做嘅事情。@cafebau.hk🌐https://s.openrice.com/QrbS000OC00~dTPjY9WrO📍 灣仔莊士敦道60號嘉薈軒1樓平台8號舖𝓌𝑒𝓁𝒸𝑜𝓂𝑒 𝒻𝑜𝓇 𝒸𝑜𝓁𝓁𝒶𝒷𝑜𝓇𝒶𝓉𝒾𝑜𝓃ig: @123LungsumkaMami (@123Lungsumka 暫時停用中)email: wwwwwaiki@gmail.com━︎・━︎・━︎・━︎・━︎・━︎・━︎・#CafeBAU#農場到餐桌#香港美食#香港餐廳#灣仔美食#hkfoodie #hkfoodblogger #吃貨人生 #openrice
