貶吓眼最後一日,好鍾意寫旅行blog,因為可以一路寫一路重溫返旅途經過,唔好好紀錄低,好快就會唔記得。 點擊圖片放大 +3 第1站! 立喰い寿司 あきら唔洗帶住小朋友飛東京一轉,首要就係點都要食返餐立食壽司! 呢間立喰い寿司 あきら係我COVID前去東京必食嘅omakase 鮨 龍尚 個師傅たじまさん開嘅,喺COVID禁飛期間,師傅就開咗呢間立食壽司,仲好受歡迎攞埋米芝蓮推介,分店由新橋﹑築地市場﹑開到北海道都有,真係超犀利呀!佢地12點開門,我地11點3達陣等食頭輪,前面已經有兩個人嚟到,好快後面又已經有人到場排隊,仲要都係日本人嚟! 我地已經係final day,必須要成功食到頭輪不容有失,因為之後仲要去趕埋其他行程 哈哈落單係排隊時已經要先揀定,menu每日唔同,有中英翻譯,亦寫明不可加單。我好唔客氣地點咗15件壽司...其實真係好想試晒menu上全部款式!!每款壽司都好出色,好新鮮,好好食。成件事唔花巧,好純粹,食個食材本身,我同老公食日本野就係鍾意呢個路線。 想試嘅話,記得睇佢地ig check返營業時間,唔好摸門釘啊!@stand_up_sushiakira@stand_up_sushiakira_tsukiji@stand_up_sushiakira_sapporo 💴 每件壽司不同定價,人均¥10,000 (15-16件壽司)🚉 新橋駅 點擊圖片放大 第2站! 東京駅一番街基本上次次嚟東京都必行,因為我係個卡通迷,生完妹妹之後鍾意嘅卡通角色更多.. 以前只愛龍貓,而家miffy﹑disney﹑sanrio都入晒坑。嚟到呢度我主要都係行動漫人物街,就喺B1果層,必行嘅有Disney Avenue﹑Donguri Republic﹑Miffy Style﹑仲有間Characters Travel Goods都隱藏咗好多卡通角色,我喺呢間買嘅miffy嘢仲多過Miffy Style呀!另外亦終於試咗即炸即食嘅Calbee+,個人認為冇想像中咁驚艷,不過蜜糖牛油味薯片係好食嘅! 想試嘅話個人推介要試吓呢款:D 點擊圖片放大 +3 第3站! すき焼 ちんや 浅草本店另一感恩預約成功嘅就係壽喜燒! 我地嘅預約時間係4:30PM,預自己食1小時之後就直奔機場。其實我心目中no.1壽喜燒一定係いし橋,不過咁遲預約根本冇可能,就連人形町今半都預約失敗,今次就一於試試呢間創業142年嘅壽喜燒老店「ちんや」!我哋揀咗壽喜燒嘅黑船同蒸氣車course,黑船係サシ肉,比較多雪花,蒸氣車就サシ肉+赤身肉雙拼~牛肉都係經熟成過,牛味好香,唯獨唔算好厚身。煮法係關東風,汁落得比較多,食食吓有啲似食火鍋咁。呢度嘅staff幫你煮完第一轉就會行開,由你自己煮埋之後嗰啲,呢個位我都係有啲失望嘅,因為呢個價錢,我會prefer有人serve埋,以前食開いし橋,係會有人幫忙煮咖~另外我覺得食呢間嘅話,單點個壽喜燒就ok,因為course 嘅其他餐點都唔算好出色,佢哋亦冇好似いし橋/人形町今半咁,埋尾會用個汁煮個蛋飯 (which is 我好掛住嘅嘢...) 💴 黒船コース¥15,800 蒸気車コース ¥12,800🚉 浅草駅 期待10月尾再嚟東京,到時會係1家4口嘅親子行程喔!會再同大家詳細分享<3 ig: @123LungsumkaMami (@123Lungsumka 暫時停用中)email: wwwwwaiki@gmail.com -—*-—*-—*-—*-—*-—*-—*-—* #立食壽司#立喰い寿司あきら#新橋#東京駅一番街#東京壽喜燒#すき焼ちんや#Calbee+#打卡#快閃東京#東京自由行#東京景點#東京美食#觀光#日本旅遊#hkmama #hkblogger #hkmamablogger #travelblogger