嚟到第2日行程，本來打算試一試六本木嘅入鹿TOKYO，不過果然係Tabelog百名店... 11AM開店，10:45AM已經排咗長長人龍，於是，時間有限嘅我地就放棄了...點擊圖片放大 +2 第1站! ラーメン高橋由於去渋谷要喺惠比壽轉車，就喺惠比壽搵到呢間ラーメンたかはし高橋拉麵! 去到時店內仍然未有人，不過google評分唔錯，就即管一試，好OK喎! 咁啱轉車搵到嘅拉麵係種緣份。特製焼きあご塩ラーメン ¥1,280好鍾意佢嘅曲麵，夠煙韌，湯底清香夠鮮味，正中我口味!蟹と焼きあごの冷し麺 ¥1,100老公點嘅呢個蟹冷麵真係夠晒涼爽，夏天食係超級正。雖然佢用幼麵，但又勁煙韌，仲好濃蟹味。🚆恵比寿駅西口🌐https://tabelog.com/tokyo/A1303/A130302/13244759/點擊圖片放大 +2 第2站! Shibuya Sky同teamLab一樣，好開心臨急book都仲成功預約到! 我地預約時間係1PM入場，呢個時間都真係幾曬... (黃昏時間已經book滿晒) 不過由Day 1嘅滂沱大雨變成藍天白雲已經好感恩!大家嚟呢度請預留時間排隊，因為每個影相位都要排隊，大概係每個角落位都要排30-45分鐘，要排隊都有個好處，就係張相入面唔會有其他人入鏡，一定會可以影得靚~🚆渋谷駅，入口位於Scarmble Square 14樓🌐https://www.shibuya-scramble-square.com/sky/ticket/第3站! 渋谷Hikarie商場非常Modern又好好行好多特色店舖嘅商場，喺呢度都spend咗唔少時間...亦抱歉掛住行街買嘢嘅我係一張相都冇影過LOL🚆渋谷駅🌐https://www.hikarie.jp/第4站! 新宿Shopping 推介-媽媽必行 高島屋 & 小資女買衫必行 Lumine EST時間短暫而新宿太大嘅關係，真係乜相都冇影到LOL不過都想推介我自己覺得好行嘅商場，因為真係好多選擇，而我都浪費咗D時間行我完全冇嘢岩睇嘅商場...如果你同我一樣係媽媽，非常推薦高島屋! 2-8樓係Tokyu Hands，9樓全部都係童裝，仲有Anpanman﹑Sanrio﹑Disney等品牌店舖。如果買衫方面同我一樣係小資女，買衫budget係$300以下@，我會推薦Lumine EST! 呢度嘅品牌真係易入手好多，而且款式都好岩我style!點擊圖片放大 +3 第5站! Yakiniku Ushigoro 焼肉うしごろ呢間都算係高級和牛燒肉餐廳，我哋被安排入座半個室座位，可以拉埋個簾，望住新宿夜景慢慢嘆靚和牛!全部餐點都係好出色嘅，不過餐廳style取向關係，佢哋偏主張私隱高級感，就唔會有員工幫你燒埋嚕，我個人係比較鍾意有專業人士幫忙燒埋，話晒咁高級嘅牛肉，我真係唔想自己燒衰咗XD肉質上乘，環境舒適，價錢係比較偏貴啲，我同老公比較大食，但又想錫住荷包，所以食完都唔係好飽:P下一次再去日本，我會再搵比較local平價炭火烤肉嗰種。2023Jun menu for reference:點擊圖片放大 🚆新宿駅🌐https://tabelog.com/tokyo/A1304/A130401/13258565/p.s. 呢日身處新宿，都好難忍得住唔夾公仔，好開心都有幾隻收穫，老公仲堅持夾咗好大隻嘅Disney100 米奇公仔，拎到返香港仔仔女女都好鍾意啊! ig: @123LungsumkaMami (@123Lungsumka 暫時停用中)email: wwwwwaiki@gmail.com-—*-—*-—*-—*-—*-—*-—*-—*#ラーメン高橋#ShibuyaSky#澀谷#新宿#東京購物#焼肉うしごろ#打卡#快閃東京#東京自由行#東京景點#東京美食#觀光#日本旅遊#hkmama #hkblogger #hkmamablogger #travelblogger
