超出名嘅Milu Thai，經常性出入銅鑼灣嘅我，終於都嚟食返餐! 好彩有book位，夜晚7點9左右嚟到，餐廳內外都係人頭湧湧，今時今日做食肆keep到人流真係唔簡單。適逢呢晚我同老公都勁肚餓，嗌咗好多嘢食，又真係樣樣都好OK，水準以上，好滿意好滿足!!上菜好快手之餘，每碟都係即叫即炒，熱辣辣上枱! 難怪咁多人都嚟幫襯啦~點擊圖片放大 ▪️黃咖哩炒大頭蝦 $268 + 香煎薄餅 $48本身想食個黃咖哩炒蟹，不過已經賣晒了… 有D可惜但都係件好事嚟，證明每日都係新鮮買貨，先會有數量限制，下次再食過!冇得食蟹就一於轉食大頭蝦，份量好足! 有4隻大頭蝦，開半咗之後即係有8舊! 隻隻都好新鮮，肉質彈牙爽口。黃咖哩都係好足料，係有蛋嘅果種黃咖哩，味道好夠，配埋薄餅嚟食超正! ▪️柚子鮮蝦沙律 $98個汁mix得好好食呀呢個🥹 有乾蔥嘅香口但又多多甜少少酸， 勁岩我口味!! 配埋大大舊柚子，爽口彈牙嘅蝦，好喜歡~~▪️馬拉盞炒椰菜苗 $98椰菜苗好嫩，完全唔硬，馬拉盞炒落少少辣好惹味呀! 最正係上枱時仲係熱辣辣標晒煙，都feel到陣鑊氣! ▪️泰式海南雞 (半隻) $148係去咗骨嘅海南雞，有雞味得嚟亦好滑! 好食! ▪️炸蝦餅 $88熱辣辣脆口彈牙，基本上係我泰菜必點嘅item。 ▪️芒果糯米飯 $88糯米飯又夠熱又煙韌，椰漿都俾得好多，我地啖啖都點好多椰漿都夠點，唔會好甜但夠椰味，芒果都好甜好好食，very nice!!嚟緊想食泰國菜，嚟銅鑼灣就有多個選擇喇，encore is a must ! @miluthai🌐https://s.openrice.com/QrbS03zu400~dTPjY9WrO📍 銅鑼灣耀華街3號百樂中心2樓𝓌𝑒𝓁𝒸𝑜𝓂𝑒 𝒻𝑜𝓇 𝒸𝑜𝓁𝓁𝒶𝒷𝑜𝓇𝒶𝓉𝒾𝑜𝓃ig: @123Lungsumka / @wwwwwaikiemail: wwwwwaiki@gmail.com━︎・━︎・━︎・━︎・━︎・━︎・━︎・#MiluThai#香港泰菜#銅鑼灣#銅鑼灣美食#香港美食#香港餐廳#hkfoodie #hkfoodblogger #吃貨人生 #openrice
