媽媽都係第一次坐捷運內湖線,幾乎全程都係高架鐵路,沿途可以睇風景,小朋友都會開心D! 點擊圖片放大 +2 第1站 ! 象園咖啡 (文德站2號出口)台北好受歡迎嘅親子主題餐廳,有圖書可以借閱,menu亦都係好岩小朋友口味其中大家都必點嘅小象鬆餅,個人認為唔算太好食,因為麵粉感好重,太飽肚嘅口感...大家記得喺外面同小象影相打卡,小朋友食得開心就OK!建議先訂座,否則行到入去仲要等位 (果日聽到要等45分鐘) 會好崩潰.. 📍台北市內湖區內湖路二段192號🌐網上訂座: https://inline.app/booking/-LKtfF4iilY_SLzMNVvp:inline-live-2a466/-LKtfF5hOrXX3R1b8CY4?language=zh-hk 點擊圖片放大 +2 第2站! 大樹藥局 超好買親子藥局去台灣日本都一定會行藥妝店,生咗小朋友之後,發現唔淨止屈臣氏﹑寶雅,大樹藥局都好好行! 有好多親子商品,小朋友口罩都有好多選擇,兩位媽媽行得好高興,滿滿收穫! 📍台北市內湖區文德路102號 點擊圖片放大 第3站! 初心菓寮 文德總本店非常懷舊日系風格嘅日式甜品店,青紅皂白好好食,抺茶雪糕好香濃,推介! 📍台北市內湖區文德路86號 第4站! 大港墘公園共融式遊戲場岩晒鍾意爬高爬低,跑來跑去嘅小朋友,地方好大,兩個細路玩到唔捨得走~ 📍台北市內湖區瑞光路391號 (借用官網照片) 第5站! 買手信 @Pâtisserie Francis旋轉木馬點心坊 (劍南路站2號出口)非常推介佢地出嘅鳳梨雪茄蛋捲,好香鳳梨味,食到一絲絲鳳梨肉! 唔想再買鳳梨酥嘅話,可以試吓呢間:) 收到嘅朋友仔都話好食! 📍台北市中山區明水路672巷46號🌐https://www.patisseriefrancis.com/ 點擊圖片放大 +5 第6站! Snoopy Play Center 大直館位於ATT e Life 3樓,呢個商場原來係有好多親子玩樂地方同賣小朋友嘢嘅商店,下次要預多D時間嚟好好玩吓行吓! Snoopy Play Center都算係個應有盡有嘅playhouse,有一條好長嘅滑梯,見朋友玩得好有速度感! 📍台北市中山區敬業三路123號ATT e Life 3F🌐https://www.snoopyplaycenter.com.tw/ 點擊圖片放大 +5 第7站! 通化夜市多謝移台朋友仔介紹!! Day2全日都係食食食,Day3就係玩玩玩,去到夜市嘅時候大家都好肚餓啦,一去到就已經見到好吸引嘅<<大花香腸>>,即刻買一人一條,食住行夜市! 另外極推<<快樂QQ球>> 疫情前已經好鍾意食呢間嘅地瓜球,加上前一晚喺饒河街夜市買嘅地瓜球係會收縮到好細粒又唔脆...勁失望,呢晚喺通化夜市食到<<快樂QQ球>>係額外興奮!!有檔炸魷魚都好好食! (唔記得影低個檔攤)仲玩咗檔店主好好人嘅飛標,成功嬴到一人一隻公仔戰利品! 超級行程豐富嘅一日,返到酒店大家沖完涼再一齊食夜市宵夜,玩到凌晨1點...非常盡情嘅一日:) Day 4 基本上我地encore咗次Simple Kaffa做brunch,就要出發去機場回港了~所以今次台北親子旅行blog亦到此為止:) ***順帶分享一個我好喜歡同必用嘅plan行程工具,就係Google My Map!每次計劃行程,我都係會先睇唔同渠道e.g. travel blogs, ig, youtube vlog, etc. 搵到想去嘅地方,就會加入去Google My Map嘅自訂地圖,慢慢搵吓加吓,就會可以將自己要去嘅地方分區域,再畫各日嘅路線出嚟。Pin咗嘅地圖大概就係咁,就會好容易搵到到時要行嘅路線,交通安排如何。 成個台灣已經俾我pin到滿晒了 haha 通常我見到想去嘅時方都會mark低先到真係有機會去嘅時候,就唔洗搵地方搵得咁辛苦啦:D🌐https://www.google.com/mymaps ***P.S. BB車絕對係我地呢趟旅行最好嘅幫手,兩個小朋友全程移動中都有BB車代步,去到要玩要食嘅地方就有足夠精力,BB車更加係媽媽們嘅購物車,冇咗BB車嘅話,兩個媽媽對膊頭同對手肯定搞唔掂... 附上掛滿滿嘅BB車兩架 hahahahaa ig: @123LungsumkaMami (@123Lungsumka 暫時停用中)email: wwwwwaiki@gmail.com -—*-—*-—*-—*-—*-—*-—*-—* #琛珈去旅行 #琛珈去台灣#象園咖啡#大樹藥局#初心菓寮#大港墘公園共融式遊戲場#SnoopyPlayCenter#通化夜市#GoogleMyMap#內湖區#親子景點#台北旅遊#親子遊行#travelblogger #台北美食 #台北親子景點 #台北自由行#hkmama #hkblogger #hkmamablogger #親子#親子活動#玩樂#香港媽媽 #二寶媽媽 #媽媽日常 #寶寶日記