嚟到第二日行程，比較多食嘢行街嘅行程點擊圖片放大 第一餐 @Simple Kaffa 興波咖啡超人氣獲獎咖啡廳，開店後半小時去到，已經見到長長人龍人頭湧湧，於是決定叫外賣企喺門口食黑糖拿鐵(冷) - 好飲! 表面奶泡厚滑，加上黑糖輕微燒焦，非常香!四種酒提拉米蘇 - 超!!好!!食!! 所有部分都好得恰到好處，可可粉、咖啡、酒、lady finger、mascarpone cheese，全部都完美配合，好滑，濕度剛剛好!! 係令人要回頭嘅美味。結果，我地最後一日係encore咗，特登早D到，成功堂食同朋友一人一份tiramisu 哈哈哈📍台北市中正區忠孝東路二段27號🌐https://simplekaffa.com/ 第二餐 @niko bakery 日香高級吐司專門店就喺興波咖啡隔離，去興波嘅話記得記得幫襯埋niko bakery嘅生吐司!質感好軟糯，味道亦食得出帶有蜂蜜嘅香甜，單片裝岩晒外帶，大人小朋友都好鍾意～～～嚟台北4日3夜，三個朝早都嚟咗買麵包!📍台北市中正區忠孝東路二段23號🌐https://www.nikobakery.com/ 第三餐 @西門町豆漿媽媽最愛台北早餐店，大推 鮪魚米香蛋捲 !!海苔醬咸咸甜甜，加埋糯米食落煙煙韌韌，好香口勁好食，每次去台北都一定要嚟食。不過大家注意喇，老闆娘唔鍾意入鏡，亦比較有態度，影相時要小心，落單亦要耐心等候啊~ 阿姨一人運作，有可能要等耐少少:)📍台北市萬華區漢口街二段24號 第四餐 @600CC木瓜牛奶睇youtuber文俊推介嘅600CC，果然好飲，好滑冇碎冰感，好足料好香濃木瓜味!📍台北市萬華區武昌街二段122號 買手信 @老天祿滷味琛珈爸爸好鍾意食老天祿嘅鴨翼，所以每次嚟台北都會買返香港，當宵夜食! 今次爸爸冇份嚟台北，更加要買返去，買完就直接返酒店放雪櫃寄存，之後再出發繼續行程。📍台北市萬華區武昌街二段55號 第五餐 @Woosa洋食パンケーキ 台北松菸店見到其他foodie blogger介紹過Woosa嘅雲朵鬆餅，就被吸引到今次要嚟一趟莓果塔冰淇淋鬆餅 - 鬆餅好食，有蛋香味，好鬆軟，唯獨因為唔係草莓季節，莓果塔用咗冷藏莓果取代，少咗新鮮水果嘅味道。📍台北市信義區忠孝東路四段553巷28號🌐訂座網站: https://inline.app/booking/-L36k4RLcQz0pL4FOIT7:inline-live-woosa/-LGYZZC8um-mtL1hvTow?language=koShopping @松山文創園區/誠品生活每次去台北都好鍾意行文創園區，因為每次行都有唔同嘢睇，都會有新意~ 今次行誠品亦發現咗呢間有童裝賣嘅時裝店，款式靚又唔算貴，推介媽媽們去行吓: 第六餐 @大師兄銷魂麵舖 延吉店大師兄係我另一個掛住嘅回憶，水準都算keep到，麵條依舊煙韌! 撈麵形式配牛肉湯，撈麵好香口，清燉湯好清甜! 好食! 方便麵都好高質呀，可以將美味帶返香港，真係有D唔捨得食晒去...📍台北市大安區延吉街137巷6-1號🌐https://www.masterspicy.com/ 第七餐 @饒河街觀光夜市以前嚟台北都必去饒河街觀光夜市，不過COVID過後，好多攤檔都轉手了。今次去覺得好陌生，以前鍾意食嘅都冇晒...同埋好多都唔吸引，所以冇乜斬獲唔係食咗好多嘢... 其後移民咗台北嘅朋友仔話我知，原來因為COVID時期一路都冇減租，所以以前做落嘅檔攤都做唔住，好大部分都轉咗手...朋友介紹咗我地去通化夜市，於是Day3夜晚，我地就再戰通化夜市了!Day 2 完。係由朝食到晚嘅一日。Day 3 係多啲親子行程嘅一日，待續。ig: @123LungsumkaMami (@123Lungsumka 暫時停用中)email: wwwwwaiki@gmail.com-—*-—*-—*-—*-—*-—*-—*-—*#琛珈去旅行 #琛珈去台灣#Simple Kaffa#興波咖啡#日香高級吐司專門店 #西門町豆漿#600CC木瓜牛奶#老天祿滷味#Woosa洋食パンケーキ#松山文創園區#大師兄銷魂麵舖#饒河街觀光夜市#台北旅遊#親子遊行#travelblogger #台北美食 #台北親子景點 #台北自由行#hkmama #hkblogger #hkmamablogger #親子#親子活動#玩樂#香港媽媽 #二寶媽媽 #媽媽日常 #寶寶日記 #親子好去處
