利申: 琛珈媽咪同爹哋之前係去過東京豊洲嘅teamLab Planets，所以對於同樣teamLab出品嘅Future Park，我哋真係好高期望亦超級期待... 我估我哋將期望值定得太高。於是期望愈大，失望愈大Overall嚟講，唔知係咪又係土地問題，設於MegaBox嘅展館實在好細… 入去第一個展區「#塗鴉自然」個corner位好細 (定唔知因為太多人) 加上好黑又要上斜落斜，只係覺得好迫又行得唔安心 (因為要抱住妹妹又要拖實哥哥) 「#塗鴉自然」同「#彩繪城鎮」用嚟畫投影圖像果D畫筆唔知點解好濕好痴手，剛剛開始對外開放我唔太expect D畫筆會好似放置/用咗好耐咁，感覺唔太良好 「#滑梯水果園」係我同兩個細路最鍾意玩嘅展區🍐🍉🍇🍈🍓🍋 感謝有工作人員幫忙人流管制，咁就可以淨係自己一組人一齊玩，影相都方便D，而且亦比較安全!👍🏻 不過唔知點解我同妹妹玩咗好多次都唔係好CHOK到D煙花出嚟，好失敗🤣🤣⚠️大家記得要著襪/帶對襪，玩呢個滑梯係一定要著襪咖~ 「#小人所居住的桌子」都好靚同好玩，碟仔放低一陣會有蘋果/蛋糕出現，然後亦可以同D小人們互動，有趣! 「#天才跳房子」都唔錯，仔仔玩得好開心~ 「#光球管弦樂團」小孩子應該會好喜歡玩D波波，不過個area都係比較細😬 年紀較小嘅就要小心D, 因為可能其他小朋友玩緊時會唔覺意一吓推咗個波去佢度，撞到比較矮小嘅小朋友 (例好妹妹就係俾哥哥玩緊果個波撞到，繼而大喊投訴😂) 同埋佢個音樂都幾大聱，妹妹一開頭都唔敢落地行/掂D波波因為實在好期待，一早買咗早鳥優惠家庭門票，2大2小 $640依家上trip.com買家庭票個價錢係2大2小 $720💰價錢確係比較貴，不過香港租貴，就冇辦法，土地問題。總括建議係，唔好期望太高，又或如果未去過teamLab Planets應該會感覺良好D😀 teamLab future park其實係設計比較小朋友方向，我睇返official website，其實應有嘅展區都已經做到8成，只係每個展區嘅area都會比較細，都係嗰句，土地問題。做定多D心理準備，預咗個場地係比較細，而去玩嘅人又比較多，咁樣就可能會好D🤔 小朋友應該係會玩得開心嘅，失望嘅只係大人🤣拿，不過又想俾返D credit琛珈爹哋，今次影D相又影得幾靚🤭@teamlabhongkong#琛珈玩什麼ig: @123Lungsumkaemail: wwwwwaiki@gmail.com-—*-—*-—*-—*-—*-—*-—*-—*#hkmama #hkblogger #hkmamablogger #hkbabyootd #hongkongbaby #親子#親子活動#玩樂#香港媽媽 #香港寶寶 #二寶媽媽 #媽媽日常 #兄妹日常 #寶寶日記 #香港好去處#親子好去處#teamlabfuturepark#megabox
