2019年11月10號 經港珠澳搭金巴去左澳門一日遊,景點之前去過了,今次主要去搵食,到澳門後搭101X巴士出左澳門先. 第一站去左下環街市二樓熟食中心,叫左碗 " 明記" 牛尾湯通粉 ($30), 湯味夠濃, 牛尾又好多,都是肉沒有肥羔.食落啖啖肉,剩係通粉比較硬. 老婆就叫左碗" 顯深詩 " 蜆湯粉絲 ($30), 有蜆和魚片,粉絲好多,不過食野唔係計份量,我老婆話D蜆有一兩隻食到腥味,我食左幾隻就OK,可能個人口味吧. 仲有間不起眼糖水鋪 " 碗仔翅糖水美食" 食左碗 蓮子百合糖水 ($11), 蓮子百合煲得唔會太林身,有咬口,糖水唔太甜. 街市內仲有間出名鋪頭 " 吳廷記 " , 諗住食件冷糕, 但老細話呢間鋪無得賣 (佢有另一樣出名紅豆餅,不過我地驚煎到好油所以無試). 老細叫我地去佢地附近間地鋪就有,不過指定要兩點半先有. 好彩我地一點嚟到,食埋兩碗粉行過去時間啱啱好. 件冷糕夏天無得賣,我十月嚟澳門都未有,問左老細話11月至農曆新年前先有. 冷糕 ($9) 似格仔餅,焗好後鋪滿椰絲,花生和沙糖.之後對接. 糕底粉唔厚,條邊好脆,新鮮熱食真係非常鬆軟,沙糖份量控制好,所以唔太甜. 我老婆話食番童年味道 (暴露左佢年齡添), 不過企左廿分鐘都剩係做一底,唔係不停做的,食就要記住時間喇.
