2011 - 12 - 24 在網上無意中看到朋友的相，乜原來香港都有紅葉睇咩？多番打聽再上網搜尋，原來12 月中開始大欖郊野公園就有一段路有紅葉睇﹗咁啱我地計劃去行山，不如就去大欖啦﹗ 搭西鐵係朗屏站落車，再轉搭免費接駁巴士K66入大棠，(要搭西鐵先有得免費，唔係就要俾$3.9)﹗倒數第二個站就要落車，我地太開心啦掛住傾偈，去到總站先知，問司機可唔可以唔落車搭番轉頭，又得喎﹗不過好搞笑係，原來呢兩個站之間都唔使半分鐘車程﹗笑死咗﹗ 終於入到路口啦﹗好天到暈呀﹗ 見到呢個指示牌，就轉右入大棠管理站。 小妹有陣時都幾有安全意識架，電視教架嘛：行山之前最緊要睇吓個地圖先﹗ D葉係心型架，好得意呀﹗小妹特登爬高去影，嚇死班團友﹗以為我想做乜？ 騎牛牛﹗ 係燒烤場附近，見到第一棵紅葉啦﹗大家都超級極度興奮~~~影~~~影~~~影﹗ 邊個話睇紅葉要去日本，係香港都一樣可以睇到好靚的紅葉架﹗ 這張是朋友用IPHONE 的神來之作﹗原來廣告係真架：你需要的相機可能係一部IPHONE ﹗ 離開燒烤場就向田夫仔方向進發，就會見到更多紅葉啦﹗ 成條路都係紅葉﹗第一次見到壯觀的紅葉係在日本的高尾山，不過顏色要深紅得多﹗不過香港這種橘紅色都一樣好迷人﹗ 聽朋友講，原來政府為了市民係香港都睇到紅葉，特登係度培育種植架，未來仲會係全港其他地方繼續種植添﹗ 紅葉是五瓣的紅葉，天，是五瓣的天﹗ 秋天是落葉的季節，秋天也是紅葉肆意綻放的季節，只有天氣夠冷了，它們才會由綠轉黃轉紅，惟有在寒風中才能欣賞到它們絕美的身影﹗可是這淒美的如泣血般的紅畢竟是它生命中最後的身影了，風來了，它便翻飛著來個漂亮的轉體緩緩落下，化作春泥﹗ 朋友說很喜歡這照片﹗小妹覺得也不錯﹗ 這條紅葉路其實不算長，若真要走，十分鐘便可走完﹗我地唔想行回頭路，便直行入田夫仔村，原來呢段路係接入麥理浩徑七段﹗麥理浩徑，唔知有無機會行哂佢呢？最近竟然有朋友提議我去行"毅行者" ，真係太睇得起我啦﹗ 山路其實都唔難行，平路多，直落汀九﹗ 同場免費加映：青馬橋日落 沿著山路往汀九，終點就係深井裕記的門口啦﹗真好，行完有得食﹗係電視睇過無數次：食燒鵝，梗係黎深井裕記啦﹗ 終於有得食啦，大家都好期待﹗ 皮脆肉嫩，從未食過咁脆的皮﹗平時果D 都 " 林" 哂，呢隻好有鵝味呀，證明平時都係食燒鴨﹗原來鵝真係好食好多架﹗ 四人套餐都係600 蚊有找，好扺食呀﹗大家一定要去試呢間咁隔涉的深井裕記﹗ 大欖紅葉係冬季限定，只有三四個星期，大家要把握好時機哦﹗
