上次小編朋友生日, 去咗弘大呢間叫Chou既蛋糕店買蛋糕~ 真係一試難忘! 超級推薦!! >w< 喺行緊去蛋糕舖既途中, 已經見到好多人買完拎住返黎, 同有個韓國女仔一個人拎住8個! @.@ (每隻手拎住疊埋4個!) 舖仔細細但人氣超級高!! 喺弘大地鐵站行 5-10分鐘就到, 店面都好易認, 大大隻寫住 Chou~ 一行到埋去就見到大大個玻璃櫃, 入面有好多唔同款式既蛋糕! 全部都好靚 ㅠㅠㅠㅠ 點擊圖片放大 上面寫住一層既蛋糕 10000won, 兩層 20000won, 如果係 tiramisu 或者芝士蛋糕就 15000won~ 比起大型連鎖蛋糕店平好多! 有動物樣既蛋糕超級可愛~ 仲有兩層既, 買俾生日既朋友一定好surprise! 小編最後買咗呢兩款~ (原本淨係想買一個, 但太靚啦忍唔到手!) 一個係朱古力蛋糕, 熊仔樣既係Tiramisu~ 買既時候會送埋蠟燭. 兩個都非常好食!! 朱古力蛋糕好鬆軟, 啲cream好厚一層但質感好軟滑好輕身, 完全唔會膩! 連上面裝飾用既朱古力都係黑朱古力, 唔係食落得個甜字既劣質朱古力哦~ Tiramisu入面夾咗薄薄一層蛋糕, 真係同甜品舖買既Tiramisu一樣好食, 咁大個15000won (約110hkd) 真係物超所值! 下次再去一定要試埋其他款, 尤其是兩層果隻^^ 怎麼去? 喺2號線弘大站9號出口出, 直行到見到 TGI Friday左轉, 到第二個街口再過馬路, 喺 Tonymoly右邊既巷仔轉入去, 過三個街口直至見到 LUSH 再右轉就見會到啦.
