電影【有你,生命最完整】 有感 係偶然嘅機會下睇左一套電影，睇完之後畫面係腦海入面揮之不去。 The Best of Me, 中文譯做：有你,生命最完整，未看電影之前都疑惑中文譯名跟英文有點不關連。但看過電話內容之後，就忽然覺得個名字譯得好貼切。 有劇透，請避開。 故事講述，一對冇結果嘅情侶。係分手之後20年，突然接到共同好友嘅死訊，兩個人返故鄉果陣相遇返。諗起以前嘅點點滴滴。原來係20年前兩個本身係相愛嘅 人，因為一場意外，兩人要被逼分開。男主角為左唔想令女主角等佢8年，所以係女主角去探佢監嘅時候，拒絕接見，目的係要令個女仔死左條心。 女仔經過3番4次嘅嘗試之後，最後傷心地放棄，然後展開自己新生活。但新生活並唔係女仔所追求嘅。 佢覺得人生欠缺樣好多野。 而男主角係放左監之後，只係胡混地度過日子，心入一面諗住女主角，一面為朋友嘅意外內疚。 直到大家相遇返一刻，先發覺生命中一直嘅缺口係對方。兩個重燃愛火花，但天意弄人， 女方已經結左婚，有個仔。佢唔想咁輕易放棄家庭去追求自己嘅幼稚。 所以清醒過後，返回現實。 男主角同佢講，一直都會等佢回心轉意。 故事發展到最後，女主角沉思左幾日，最後決定去搵返自己大半生一直渴求相遇嘅人。 可惜，又一次天意弄人，男主角嘅爸爸為左復仇，聯同男主角其他兄弟密謀殺男主角。 一對冇結果嘅情侶，到最後冇辦法再相遇。 故事係想俾個啟示大家，真心相愛就唔好輕易放手嘅道理。無論依家面對緊咩困難，都要勇敢面對。要相信，有左對方，生命先可以完整，精彩。 看完，我有少少感觸呀~~~現在經歷緊long D，過程很辛苦，我相信係值得，因為我相信只有佢先可以令我生命更加完整。 如果有興趣，可以帶埋你嘅愛侶一齊觀看架。(請自備紙巾。) **原來呢，男主角本身係由<<速度與激情>>嘅Paul 主演，不由由於去年底意外，換左依家哩個。
