減肥係由8月開始, 人生高峰體重75KG. 我今年已經28歲, 再唔減等到幾時??下定決心後就開始小心飲食. 到咗9月尾發現成效不大. 10月開始用西柚減肥餐單. 8月開始到11月頭都只係減咗5KG. 我檢討自己發現冇一個好方法, 都唔知點食,點做運動. 11月同朋友join Gym. 11月6日上了第一堂PT. 每星期上兩堂. 短短5堂已經減重3.1KG. (我心裡明白開頭一個月一定會減得快. 因為好大部份都係水) 回想第一堂真係好辛苦, 因為疫情下大家都要帶口睪,加上已經有1年多冇好好做運動, 所以第一堂不停覺得好頭痛,頭暈. 不過教練都安慰我話第一堂好正常. 到第3堂已經有好明顯變化. 冇再頭痛,頭暈, 教練準備課程都可以快速順利完成. 深刻感受到自己變化. 之前有個習慣每天早上都上磅, 不過教練叫我唔好日日上, 改為每星期日上磅. 之前日日上磅係有一個唔好處. 如果發現今日重咗,好自然自己當日會好好控制飲食, 相反如果輕咗有時就會比借口自己食多咗. 所以用教練個方法會比較控制到自己, 加上效果會更好. 今日就講咁多先,下次同大家分享{有教練好處}.歡迎大家交易減肥心得.
