如果幾個朋友屋企食飯，但係刺身食到悶, 小菜炒到HER , 煎扒煎到煩既，可以試下呢個香草焗羊脾，一個菜式搞掂哂! (仲可以扮下路飛搞下爛GAR添) 不過呢個菜式，最麻煩既地方係等待時間實在係幾長(唔係製作時間). 由準備到完成最少要三日! 材料羊脾一隻 醃料什香草 2-3 湯匙茴香2 湯匙黑胡椒 2-3湯匙粗鹽 1-2 湯匙 (睇你鍾意咸定淡) 配菜：沙津菜, 任何沙津菜 - 揀你最鍾意個兩三樣就OK啦紫洋蔥 - 切絲得比包 - 平既,咪嘉頓得比包囉, 要HIGH D 既, 馬記C記有大把燒你銀紙既選擇........... 做法羊脾 放保鮮格一晚解凍 洗淨羊脾，抹乾水份後,用針插拮係羊脾上滿小孔 (可以用叉代替,不過要用多D時間) 粗鹽抹勻羊脾，之後再將其它醃料抹勻,最少要醃過夜，我自已就會醃兩日等佢更加入味!! 焗之前一個鐘放回室溫地方, 等羊脾同焗爐個溫差減少， 焗爐220度預熱十分鐘, 之後用200度焗羊脾兩個鐘，搞掂!! 記得焗好左羊脾之後，要留起係盤底既羊汁，等陣用番黎點羊肉. 食法: 1.先將得比包番熱 2.用你想得到既方法將將羊脾亂刀分屍 ,羊肉厚度大約為1-部I phone既厚度(又係電話食飯既時間) 3.將羊肉點滿羊汁, 連埋洋蔥絲, 沙津菜塞入得比包. 4.放入你個口，完成!!
