今日一起身既目的，就係去買布達拉宮既門票。因為一路踩單車既路上都聽過好多真既傳聞！就係要買黃牛飛！外地人既飛就炒到成$1200 一張，而且入面唔俾影相。當地人就$1 一張⋯ 但當黎到之後，就話我地外地人都可以買正價門票，$200。咁當然要入去睇啦！ 起身已經九點幾十點，搵個早餐食就踩車去買飛！ 呢個睇落叫夾餅，但係大陸佢叫「果子」。入面有雞蛋，腸，菜⋯ 都幾好味！$17 食完仆去布達拉宮，原本打算買完即刻入去睇，但原來係今日預約聽日既票，錢都係入場個刻先俾。提提大家，如果預約左唔去既，會俾當局列入黑名單，大家唔好諗住預約左先，唔去都得！大家將來會去布達拉宮既要留意啦！ 之後遊左陣街，就搵左間當地既茶館飲茶！非常地道！ 呢間茶館入面工作既全部都係尼姑。 入面既裝修係咁既，幾簡陋。 呢到茶館都幾特別，買食物要係樓下買，拎食物都係樓下拎。之後要拎上去二樓自己簡位坐。 先睇餐牌，再同職員講食咩～佢就佢俾啲卡仔你。每張卡仔代表唔同食物，跟住就自己去拎食物啦！ 我地叫左三碗牛肉麵，六個肉包，一壺大甜茶，兩份炸薯條。先講一講，佢既薯條竟然好味過麥當勞LoL 牛肉麵好難食。可能食唔慣，佢地啲麵好生好粉，但我最後都食哂，廢是浪費食物！ 呢杯就係甜茶啦！佢其實飲落似奶茶，但比較甜。甜茶係西藏好出名，比酥油茶好飲好多倍！ 呢份薯條好好味，一食就愛上！ 飲完茶吹完水，再去大昭寺行。琴日無入到去～入場費$85，都幾貴架！ 大昭寺係繼布達拉宮後最出名既一個廟宇。 入面裝修無咩特別，係有幾座金塔比較出名。 點擊圖片放大 +2 大合照就少不免～～～ 參觀完大昭寺～就去隔離勁出名既八廓街行啦！勁多靚既手工藝品！好多都好想買！ 呢支簫一吹起黎，成個商場都走黎湊熱鬧！ 夜晚又去左食自助餐！因為好好味！不繼烤牛肉！
