今日終於唔使再較鬧鐘起身踩單車啦！！！好舒服！！！ 是日輕鬆hea 底遊～十點起身去食左個西藏出名既蒸氣拉麵。由於高原水係好難煮滾既，所以蒸氣拉麵都算幾特色。$17 其實拉薩第一感覺係，好似我鄉下中山石歧咁。麵唔算話有咩特別！一樣人多車多單車多，同埋行人綠燈都一樣有車行，去咁多大陸地方都係咁。 食完蒸氣拉麵早餐，就過左隔離布達拉宮觀景台！聽講，人仔$50 係呢個觀景台到影既！上到去拎張$50 出黎，真係對得到啊！好神奇啊！ 不忘再自戀一番。 之後就踩住架單車去左「大昭寺」。繼布達拉宮後最出名既寺廟～ 見到個細佬女係到朝拜。 小周～ 估唔到仲有機會俾我見到大陽能煲水。 點擊圖片放大 買左個細細地幾得意既轉經筒，$20。轉既時候一定要順時針，同埋大多數人用右手轉的。 一路轉一路圍住大昭寺行，轉到行完為止咁就有運行啦！邊個想要一個迷你版轉經筒，就搵我啦！私人買個當手信送俾你！ 夜晚晚拉薩係幾靚！ 夜晚再去布達拉宮一次睇夜景，的確另有一番風味！ 既然大家都話我黑左，我即刻去買左三塊面膜！$3 一塊會唔會扶爛面架？聽日買返張$30 黎扶先！
