今日到布達拉宮啦～～～～～～終極篇！

day24 松多到拉薩布達拉宮，180km，10個半鐘，爬升海拔1429 米。

今日一起身心情好興奮，因為今日要踩180km 而且頭30km 係要上山，所以預左五點半起身。本身想六點半出發，但到最後都要搞到七點先出發。

好白痴，帶左個睡袋黎咁多日，一次都無用過！咁唯有係最後一晚拎出黎用下，又幾舒服喎！

朝早六點鐘，食個油炸鬼同白粥早餐就上路啦！！

西藏既太陽係要八點先開始出黎！就係因為咁，我整爛左條garmin 手錶充電線！我屌！個刻勁sad，唔係因為哂錢要買多條充電線，係因為無得用黎記錄最後一日行程！好彩！我用strava 本身都可以整到relive 既段片！開心返哂！頂最後一日先搞啲咁既野⋯

一路上都被祝一路安！好多謝你啊！想我一路平安，就整好啲條路啦！

最後一座山，米拉山！上埋佢就完成哂所有爬山啦！

踩左接近三個鐘，我終於可以鬆一口氣了⋯ 完了，要落山了！影左廿分鐘相就落山搵野食！

山頂好靚！仲好多遊客，影相都要排幾分鐘。

我要係到真心多謝一路支持我既朋友，特別係兩個同事。佢地都係第一個支持我去實現呢個夢想既朋友！一年前我應承過佢地，當我真係實現到呢個夢想，我會帶埋佢地去！今日，我終於可以係最高、最後既一座山拎佢地出黎！

無錯，佢地兩個係我同事，Samual & Sam。（你兩個睇到唔好感動到喊！）

最最後我架單車都俾人用黎當報景板黎影相，我話收$5 一張但無人理我。

佢兩個係我呢十幾日以黎既同伴！好多謝佢地為我帶黎歡樂。

興奮到係咁影相！！最後一個山頂，緊係要影啦！！

一路以黎除左擔心旅館無得住要住酒店，就係擔心入藏會好麻煩。此終乜獨物獨都係好敏感既話題。最後一關入藏既檢查，我都過埋啦！Yeah！

佢拎左我張回鄉證十幾分鐘，又走黎走去幾驚唔俾我入。

一風景～～～～～～～～～

佢

正式進入拉薩市啦！

當我見到布達拉宮，我真係眼泛淚光⋯ 24 日既經歷好唔容易走過黎。我得左啦！

大家仲記唔記得第二，三日同我分開既可樂同陳峰？我一到步，就約左佢地食飯啦！因為佢地聽日就要走了！

十幾日無見面，一見面大家都好開心。雖然到步日子唔同，但始終係一種緣份。

呢個旅程，除左體能好左、耐力好左，仲得到友誼。呢種唔係heha 一兩日一再見就byebye 個種友誼，係一世大家都會記住大家既友誼。

有時十幾廿日既友誼，好比識左幾年既朋友。呢次旅程真正知道邊啲朋友先會對你好。一句加油都不願講，覺得講左就好似無左忽肉咁～當知道我唔係一個人踩，就覺得成件事零價值。

成日聽人講，朋友唔需要多，真心對你好既，幾個就夠。呢個旅程認清了！