有睇頭幾day blog 既都知我右手無名指同尾指一路都麻痺無知覺。二十幾日了，到今日仍然係無知覺的。會唔會以後都係咁架shit。其實無感覺好痛苦⋯

day21 東久鄉到八一林芝，103km，七個鐘多少少，爬升海拔2244 米。

今日算係最最最辛苦既一日。因為要係50 公里內踩上2244 米，大家想像下二千幾米既高度，要踩上去⋯ 依家諗返都癲癲地。

一出車就見到呢個牌，你教我如何唔興奮落去。

中午去到一個叫魯朗小鎮既東西。本身去之前都睇過好多資料，話呢個鎮係「西藏江南」，有好靚既風景！所有都抱住好大期望去⋯ 但到左之後，確實係靚！但可能二十幾日以黎都見過好多好靚既風景，所以有少少失望。但都算靚既～～

仲評為國家AAAA 級風景區～～～～

中

食午飯玩狗仔～～

最後係我隻腳到訓左20 分鐘。

過左魯朗鎮，先係今日既精髓。要一口氣再踩25 公里上坡到色季拉山！高海拔就係咁衰，當你最辛苦既時候就會落雨！仲要好大個隻⋯ 要簡單講下，當一個踩到就黎氣斷既人，呢個時候落大雨，佢要係駝包到摷件雨衣同雨褲出黎係幾咁煩。著完又要再搞個駝包，又凍⋯

到左山頂仲要睇到雪山啊！！同一個高度架！好靚好靚！

當我影左一陣相，就開始有好多跟團同自駕遊既旅客走埋黎問我問題。對我既單車遊好有興趣！起碼醫回應左佢地廿分鐘問題，包括邊到出發、去邊到、最難忘係咩、有咩最驚險、架單車點黎、係咪訓街⋯ 好多好多。而且當佢地知道我係香港人，就更加覺得神奇。好似覺得香港人唔會做呢啲野咁LOL

最後我變左大明星，不停被要求合照。其實我好開心有呢一幕。開心唔係因爲做左明星，係因為真係有人欣賞同支持我做既野！好難得⋯ 仲有好多句加油，多謝你地！

之後佢地買左個西瓜俾我，我多番拒絕都無用！

多謝你地每一句加油！我就快到拉薩啦！

返到旅館，我同小周每人半個，爽！

每個人都有佢自己既故事，有人肯聽你既故事，肯認同你做既野，係一件好幸福既事。