又係個句,休息係為左走更遠既路。既然黎到咁靚既然烏湖,身體又唔太舒服,決定休息一天! 今日會多啲相,唔好介意LOL 今日小周周小潑唔等我,先到波密。唔理啦,有冰川睇緊係留低睇啦!全程費用不超過$200,好平啊!包括哂車去,坐拖拉機同騎馬! 一路坐車上山既風景已經好靚!但我仲係好眼訓,最後都係車到訓著左。車程大約1 個鐘。 去到落左車!就轉坐拖拉機啦!痴線呢部野,本身用黎耕田,依家用黎拉人,「鄧」到我patpat 真係開花! 呢三個都係今日識既,一個徒步,兩個踩單車既。 坐完拖拉機,到騎馬啦!第一次騎馬好興奮! 眼睇以為冰川好近,其實起碼有20 公里遠! 終於拉到埋去啦!唔好以為好近,落左馬我行左差唔多一個鐘先店到冰!操! 型唔型?wtsapp 話我知⋯ 中國科學院既實驗,有啲兒戲~ 就係呢隻白馬啦!睇住佢帶我上山落山,真係鄧佢辛苦。 好多藏民都係草原到自己搭帳篷黎住,附近乜都無,點娛樂?自high? 今日肥仔生日,睇完冰川就買個蛋糕仔返去同佢慶祝啦⋯ 雪同冰都睇過啦!老實說,呢個旅程都真係好多第一次!無悔!