其實一路以黎每個站我都驚俾老闆趕走要住酒店。始終有過一次經歷，又貴又麻煩。幸好呢兩三日老闆都收留我，唔登記我回鄉證，俾我做難民。

今日終於爬上左第一座海拔五千既山啦！！

day14 榮許兵站到左貢，60km，六個鐘，爬升海拔1000 米。今日爬既坡唔多，歸功於琴日爬既2000 米。

今朝一起身，食左兩大碗蛋炒飯！係大陸好興食乜野都要加酸菜同泡茶。食麵又加，食粥又加，食餃子又加，食饅頭都加⋯ 我又習慣左啦

臨走仲唔畫花佢？

日今日目標都只係得一個！就係25km 爬坡上東達山！再35km 落山就係咁簡單。

每日都見到咁靚既風景～～～但開始睇到無感覺

間唔中都會落車行埋去啲牛到，但佢地全部都好驚即走⋯

我指住呢座就係今日既目標，東達山！兩座五千米高既第一座！其實真係踩到好攰

俾我發現左個零號牌⋯

連續25km 上坡！又淋雨又曬太陽，終於上到東達山啦！yeah！

我同你講！無野難到我架！！！！

每次見到呢啲小村莊，就覺得好靚好寫意⋯

落山返旅館啦！其實每次征服一座山，都會有種莫名既自豪。唔係好叻好勁，你地有時間黎都可以踩到，五個鐘又好十個鐘又好。只係覺得呢短短一個月既旅程，好似我地人生咁，每個目標都唔同，當你一一咁克服佢，就會有種成就感。

就快三十，人生都過左廿七年，仲有幾多個十年我唔知⋯ 我只係知呢個月會係我人生最有價值既一個月。各位都加油！