day2 騎行10 個鐘，連趕兩站。

7:30pm 出發。雅安到新溝，89 公里，爬升海拔200 米到1435 米。

一早起身，知道今日不斷上坡，已心知不妙。

食完早餐，去拎車準備出發，見到好多騎友都代運行李到下一站。咁仲有意思咩？但我既堅持令我今日十級痛苦。開始感受到上唔完既坡係咩感覺。今日上坡上到我對人生無哂希望，差啲喊出黎。

岩岩開始進入山區，好興奮⋯ -.-

加油啊！！！絕對唔可以推車啊！！！

大鄉里入省，緊係要影多兩張相交代下～

茶馬古道，傻B 的不斷上坡，真係變傻B 了⋯

一路都好少影318 路牌，因為要趕路～ G318 2681

呢條路比較開始有啲刺激，爛路多車，要不斷穿插。其實入左山區，一路上既風景真係好宏偉，好壯觀。文字好難形容，等我既video 啦！

當我影完下面呢張相時，踩左89 km 已經收左皮。呢個時候，可樂哥要我即刻再踩多一站，但當時已經4:30pm，我開頭都堅決聽日先走。但你知啦，我份人衰心軟，明知隻腳已經收左皮，都答應左。

其實呢次旅程，就唔應該跟住其他人步伐走。有啲人19 日到拉薩，有啲25 日到拉薩。今次旅程我唔想走馬看花咁衝去拉薩，其實中途好多地方值得欣賞。我目的係要達到目的之餘要享受埋整個旅程。所以我決定同你衝多一日，大家就各自修行啦。始終能相識能一齊捱過苦都係一種緣份。

就係因為心軟，接住落黎我要連續上20km 既坡，再過5km 隧道。踩極都未到，天又快黑，得我一個，又凍又無水，有一刻真係攰到眼濕濕。你問我有無後悔？自己簡要食屎就要食哂佢。

5:00pm 出發，新溝到瀘定，47.5km，爬升海拔1435 米到2221 米，再落到869 米。

一直都係呢啲撚屌路，十幾廿個呢啲坡不停咁上。個一刻寧願食屎！

上到山頂，二廊山隧道都無心情影啦！過埋隧道，30km 下坡。去到旅館都十點啦⋯