成都的最後一天遊記了。 又等我感性下吧。係成都呢四日，一直感覺就係我好幸運。每個認識既人，佢地三個月後都未必記得我。但我係成到遇過既每一個你地，我永遠都會記住。此終呢一次旅程一生應該只有一次吧⋯⋯ 但都希望仲有機會由香港出發到西藏～ 完左呢次旅程先再講吧，哈哈！ 何鵬！放兩張和你的照片吧！哈哈哈哈哈！祝你開青旅順利。 今日簡直係來回地獄又折返成都。我同陳峰，仲有個可樂哥（今年31，哈爾濱人，小故學尬數學老師，計劃左好多年都抽唔到時間。趁今年暑假推哂所有工作夏令營黎追夢。） 中午坐大巴去買單車衫，可樂哥竟然一個鐘頭後先發現唔見左個袋。入面有身分證同$3000 人仔，本應開心既心情立刻無哂。原本以為係商場試衫唔見，原來係大巴上漏左～～報警後，原來大巴司機執左，搞左兩個鐘！ 大陸仲有路不拾遺既人～ 真係好難得！！公安都好好人，教我地點做。 臨出發前，就緊係要剪個成都頭吧！ 夠唔夠MK? 潮唔潮？聽日就長征了～ MK 一次吧！ 臨訓前，大家都好興奮！未出發既都一齊享受最後共聚既時光～ 我就係要特別，就係要特出，就係要出界，你吹咩～～～～「香港ALEX 騎行318 追夢」 聽朝七點準時出發！！！！！！晚安～
