深夜返到旅館，見到大家都係大廳到傾計～咁岩Billy 同熊貓都係重慶返黎，但佢地聽日要走了⋯⋯有種依依不捨既感覺。因為係我第一晚入住既時候，佢地陪我傾計到深夜三點幾。呢幾日佢地教同埋分享左好多好多好多野俾我。因為佢地係西雙版納到做帶團既，而且係中國唔同地方開過青旅，所以佢地知道哂邊到值得去，邊到係可以過眼雲煙。其實呢幾日遇到過好多人，每個成都、河南、東北方、哈爾濱⋯⋯每個人知道我黎自香港，都好鍾意同我玩，相遇既都係緣份，希望大家都可以黎香港探我！

我頭頂就係熊貓，隔離就係Billy

最後一晚，大家都好開心～都係取笑我既普通話為主LOL

訓左兩三個鐘，清晨五點，買KFC 俾我既小穌又要出發了～～祝你一路平安，有緣318 路上見啊！！

中下圖是何鵬（93 年，來自湖北。五月份已經完成了一次川藏線入拉薩。現在在318 旅館當義工，希望學師成功後在318 川藏線自己開一家青旅）。

今早叫佢幫我整單車，佢好樂意幫忙。免費的，要感激他～

由於我今日原本打算睇熊貓，自己一個去又悶悶地，就邀請埋河鵬去！係旅館邀請埋河南姑娘，笑死老子。

姑河南姑娘，96 年，叫啊曉。好鍾意自拍既一個女仔，特別要有effect 的。

傻迫不傻迫？

尷尬不尷尬？

四川大熊貓其實同海洋公園既無分別～香港既安安佳佳都係四川送過去既～～就係想到此一遊，吹咩！

睇完熊貓後，返青旅休息左一陣，我認識左應該今次旅途真正同我同行既partner。佢叫陳峰，91年陝西人。大半個月前從飛陝西騎行到成都，中途打算休息3-4 天。但我地一拍即合，好多想法都好一致，大家亦唔係趕路之人，唔太想走馬看花。

夜晚大家都為左我，踩左兩三個鐘為左同我搵單車鋪買單車衫。到最後當然搵唔到啦！操！

上圖最右手邊就係陳峰～中間係可樂哥！

騎到九點幾，直接去晚餐了！無錯，又係串串火鍋！

短短三日裏面，我見過多好多人。有hi bye，有真心，其實係分到的。呢個57318 騎行大家庭，每人個都有個故事，大家都係用單車建立友誼。講真，係的緣份真係得來不易。

原本打算聽日朝早同陳峰開始西藏長征，但今日晚上，好多人都想我3/8 同佢地一齊走。最感動係河鵬，不停拉住我叫我停多一日，等埋大隊一齊先出發(一行15-17 人3/8 出發)，咁就可以見多我一日，同我玩多一日。呢段友誼太真實，唔識去形容，好實在。其實每日個我都好珍惜，但奈何始終都會有分手既一日。同陳峰食火鍋時，相討究竟聽朝出發，或是多等一天3/8 同大隊一齊出發呢？最後係決定等多一日，一來準備可以好啲，二來真係想對住呢班朋友多啲。始終出發後唔知幾時先會再見。

Billy、熊貓、河鵬、啊曉、陳峰⋯ 火地記得黎香港搵我玩啊！！

3/8/2017 從從成都出發。

成功發佈