話說康樂及文化事務署 在市區及新界均有提供免兒童遊戲室，不過疫症下就唔係間間開。 呢間位於屯門的遊戲室，以太空為主題，有太空船滑梯、繩網陣、迷宮等等玩樂設施，空間感十分。因為疫症入場人數由50人減到42人，所以唔會太擠迫，岩晒啲活潑的小朋友跳上跳落放電。 又大又靚又免費，又點會只有優點無缺點呀，缺點就係需要排隊拎籌喇，而且每節時間由45分鐘減到30分鐘😔。是次經過係平日下午，所以基本上都有位。本來1個小朋友只可以1個家長陪同，如果夠鐘都未滿人就可以放多個家長入去，所以我哋就可以2個家長一齊入去。 每節前45分鐘開始派籌，拎咗籌可以先離開，夠鐘再過嚟，又或者可以喺等候處等待。 點擊圖片放大 玩完一場後，要15分鐘清潔再下一場，想連玩幾場都無問題，不過就要出去重新排隊。（當日所見，玩完一場再去排大約有10個人左右）。 時間表如下: 一入去就見到場地十分之大，點跑都無問題 位於中間的小飛機好受歡迎，金仔一見到就自動波，不停又上又落。 點擊圖片放大 仲有呢幾個"星球"繩網，可以爬上又爬落，對於金仔有少少難度，但佢就玩得十分開心。 再有其他繩網結合攀爬架，再加上滑梯，又係一個令佢哋迷失的地方。 另一邊就有唔少高高低低的玩樂設旅，年紀比較細都岩玩。 點擊圖片放大 總括嚟講： 👍免費 👍空間夠大 👍主題吸引 👍玩樂設施新淨 👍場內有洗手間 👎位置唔算方便 👎只有少量泊車位泊車位 👎要等派籌 👎每次只可以玩半個鐘 如果經開，又不妨嚟排下隊。 地址：屯門兆麟街19號屯門兆麟政府綜合大樓4樓 遊戲室主題：太空 入場限額 ：50 (由2022年5月19日起，入場限額調整為42人，直至另行通知) 🙆Follow Me~~ 💜💜Facebook 💜💜 💚💚Youtube💚💚 💛💛 IG 💛💛
