我真係好鍾意食蕃薯💖,番薯含澱粉、膳食纖維、胡蘿蔔素、維生素E及鉀、鐵、銅、硒、鈣等礦物質。 而且具有補中和血、暖胃、益五臟、增強免疫力、保護皮膚、延緩衰老、防癌抗癌的功效。是少數好食而有益的食物。咁蕃薯除咗整蕃薯糖水之外,仲可以整啲咩呢?咁就要留意下呢個蕃薯特輯啦!😁好,先嚟第一波,氣炸蕃薯芝士粒😋軟綿綿又煙韌的蕃薯波(粒),再加上拉絲芝士,甜中帶咸, 做小食真係一流呀!先睇下材料先:熟蕃薯 :100g 木薯粉 :30g芝士粉 :10-15g (個人喜好而定)拉絲芝士 : 適量鹽: 少許牛奶: (需要時)少許 做法: 1. 先將蕃薯蒸熟及壓成蓉,再加入木薯粉及芝士粉搓勻 (我懶,一次過😆)2. 將粉團搓成不黏手的狀態 (如太乾可以加入少許牛奶)3. 分成數等份,再壓開包入拉絲芝士4. 搓成自己喜愛的形狀 (因為有餡, 覺得正方形最易控制,所用用雙手食指及大姆指壓成四方形) 5. 掃上食用油 6. 氣炸 180度 8分鐘 --> 掃油 --> 200度2分鐘-->掃油 -->200度2分鐘 完成!!! 即食可以有完美的拉絲效果,圖中顯示為涼左少少的效果。蕃薯+芝士的組合,小朋友絕對鍾意,好快被秒殺。 如果仲有時間,想浪費下,可以考慮將粉團搓成小圓波,再180度5分鐘->200度2分鐘-->200度2分鐘整以下的迷你蕃薯芝士波波~~ 迷你蕃薯芝士波波~~搓波波用咗15分鐘,但兩位小朋友用咗唔夠10分鐘KO😅 迷你波波的大小 💓💓Facebook 💓💓💛💛IG(aleimama_life) 💛💛