得龍大飯店 地址 : 新蒲崗康強街25-29號地下 電話 : 2320 7020 / 2322 3783 店裹充滿懷舊感覺, “古老當時興”反而能把我吸引~ 菜牌只得兩頁, 款式不太多,名字卻改得頗吸引人. 地雞蛋炒鮮剝蝦仁- 其實係滑蛋蝦仁, 改左個架勢d ga名姐, 不過佢又整得唔錯, 生熟炒得岩岩好, 更食得出佢加左麻油 ! 古法太爺雞 - 賣相有點其貌不揚, 入口卻令人驚喜, 有種煙薰香味, 雞亦很新鮮, 有點似清遠雞質感 !加少許薑蓉, 超滿足 ! 瑤柱扒津菜包 - 津白菜裡包著其他切碎的菜, 瑤柱大大粒, 睇見都開胃 ! 砵酒焗蠔- 蠔夠新鮮亦大隻, 可惜味道略淡 … 酒味略欠,其實不需用上大隻的蠔,變得大而無當,明顯比之前來吃差得遠.一件也吃不完! 粟米魚塊 – 很欣賞佢個魚同粟米汁係分開上的, 魚塊內脆外嫩, 值得一讚!!! 最後有走地雞蛋腐竹白果糖水作結尾, 其實和一般腐竹蛋糖水差不多 哈哈, 也好吃, 為這餐作完美句號 !